Што треба да пие детето кога е болно?

Една од најважните мерки на поддршка на болното дете е внесот на течности. Постојано се истакнува потебата, болното дете, да се нуди да пие, што понекогаш изгледа како претерување, но не е така.

Повеќето деца ги напаѓаат зимските вируси, а инфекциите на дишните органи се убедливо најчести. Има и инфекции на органите за варење, кои се проследени со повраќање и пролив.

За повеќето вируси нема лек, туку детето мора само да се избори, а задача на родителите (со помош на лекарот) е да му помогнат на детето. Една од најважните мерки на поддршка на болното дете е внесот на течности. Водата е од непроценливо значење и за здраво дете, за болно, и неретко е поважна и од лековите.

Течност е неопходна за да на детето му се надомести губитокот на телесна вода при секоја вирусна болест, а особено во овие студени денови. Вирусите на разни начини ја “истиснуваат“ водата од детскиот организам, но и ја зголемуваат потрошувачката на вода во неговиот организам.

Високата температура е чест следбеник на зимските инфекции, го зголемува испарувањето на водата од телото, но и го забрзува метаболизмот што ја зголемува потрошувачката на внатрешната вода.

Лошиот апетит е често присутен кај болното дете, така да тоа нема потреба да јаде и да пие, па внесот на вода е значајно намален. Кога тоа ќе се здружи со зголемениот губиток на вода, јасно е зошто внесот на течности е важно.

Без дилема, водата е најдобар пијалак за болното дете. Детето треба да пие умерено ладна вода, и тоа што почесто. Со лимонада, цеден портокал или мандарина не се претерува кај детето кое има вирус.