Коронавирусот од 2020 година и коронавирусот од 2022 година сè уште се исти вируси, но тие се различни во однос на симптомите, сериозноста на болеста и долгорочните компликации.
Варијантите како алфа, бета и делта го зголемија ризикот од развој на други здравствени проблеми, но нивниот наследник омикрон, иако е позаразен, се чини дека предизвикува поблаги инфекции. Дополнително, омикронските подваријанти, BA.4 и BA.5 станаа доминантни во многу делови од светот.
Подваријантата омикрон BA.5 се чини дека предизвикува помалку симптоми и може да биде поблага кај повеќето луѓе. Како доминантни симптоми гсе јавуваат болките во грлото и главоболката, а потоа затнат нос и сува кашлица. Други симптоми вклучуваат течење на носот, рапав глас, кивање, замор, болки во мускулите и вртоглавица
Подваријантите на омикрон BA.4 и BA.5 првпат беа откриени во Јужна Африка во јануари и февруари 2022 година. Тие во моментов се најновата и најдоминантна верзија на омикрон, а Светската здравствена организација објави дека BA.5 претставува повеќе од половина од инфекциите ширум светот, додека подваријантата BA.4 се јавува кај нешто повеќе од еден од десет луѓе.
Експертите, пак, велат дека ова се најзаразните варијанти, кои избегнуваат претходно стекнат имунитет, но најчесто предизвикуваат поблаг облик на инфекција.
Дали е пократок периодот на инкубација со новите варијанти?
Што се однесува до подваријантите BA.4 и BA.5, периодот на инкубација е уште една работа што дојде до израз кај нив. Значи, колку време е потребно за да се појават симптомите по изложувањето на новите подваријанти?
Д-р Алисон Арвади, комесар на Одделот за јавно здравје во Чикаго, рече дека неодамнешните студии покажале дека периодот на инкубација за Ковид-19 е скратен со појавата на нови варијанти и сега е околу три дена.
Студијата, објавена во списанието „JAMA Network Open“, прегледала и анализирала 141 студии за да открие како периодот на инкубација за корона, времето од кога ќе се заразите до кога ќе почнат да се појавуваат првите симптоми, се променил од почетокот на 2020 година.
Истражувачите од Пекинг откриле дека со секоја нова варијанта, периодот на инкубација значително се намалува. Велат дека варијантата омикрон има најкратка временска рамка помеѓу инфекцијата и почетокот на симптомите. „Периодите на инкубација за Ковид-19 предизвикани од алфа, бета, делта и омикронските варијанти беа 5,00, 4,50, 4,41 и 3,42 дена, соодветно“, велат истражувачите.
Сепак, имајќи предвид дека голем дел од студијата се потпираше на сеќавањето на учесниците за тоа кога биле заразени и кога покажале симптоми, сè уште има одредени шпекулации.
Кои симптоми се присутни сега?
На каналот Зое (апликација за проучување на симптомите на ковид-19) на Јутјуб, проф. Тим Спектор неодамна ги сподели „најновите“ знаци на болеста.
„Се чини дека тие се променија малку сега кога подваријантата омикрон BA.5 е навистина доминантна во ОК. Се чини дека предизвикува помалку симптоми и може да биде поблага кај повеќето луѓе. Се разбира, постојат исклучоци и некои луѓе сè уште страдаат од многу тешки форми на болеста. Можно е БА.5 да предизвикува симптоми со помала количина на вирус и тоа би можело да ги објасни малку поблагите симптоми“, рече тој.
Како доминантни симптоми ги посочи болките во грлото и главоболката, а потоа затнат нос и сува кашлица.
Други симптоми вклучуваат течење на носот, рапав глас, кивање, замор, болки во мускулите и вртоглавица.
