Ако имате нормална бременост, зошто да не? Најдобро време тоа да го направите е меѓу 5. и 6. месец од бременоста. Во првите месеци лекарите не препорачуваат патување. Се додека ембрионот не си заземе место во матката, постои поголем ризик од крварење или спонтан абортус. Последните осум недели пред терминот, исто така не е идеално време за патување. Имате голем стомак па не сте подвижни како порано.
Може ли трудниците на одмор во планина?
Во принцип нема причина за време на бременоста да не патувате во планина. Меѓутоа, одберете пониска надморска височина. Исто така, избегнувајте возење на жичница каде што има голема висинска разлика. На големи висини воздушниот притисок паѓа, па на планини над 1.800м може да почувствувате недостаток на кислород. Тоа секако го чувствува и детето.
Го чувствува ли детето студот?
На планина, температурата е ниска и е многу студено. На бремените жени голем проблем им е големиот стомак, па најчесто не може да ја закопчаат јакната. Сепак, не се плашете, на детето во стомакот никогаш не му студи. Добро е заштитено. Често бремените жени кажуваат дека кога им студи, чувствуваат како бебето се стега во стомакот. Ако тоа ви се случи, треба да знаете дека детето реагира индиректно на она што го чувствувате вие, а тоа е непријатност заради студот.
Смеат ли трудниците да се скијат и санкаат?
Умерен спорт, односно рекреација, за време на бременост, секако се пожелни. Тоа подразбира шетање по снег, планинарење, но на пониска надморска висина… Што се однесува до зимските спортови, најдобро е да се избегнуваат. Тие се навистина многу здрави, но бидејќи постои опасност од паѓање, на трудниците не им се препорачува.
