Карли Каме, иако целосно вакцинирана со вакцината Џонсон и Џонсон, забележала дека го изгубила мирисот и вкусот. Кога се присетила на настаните, сфатила дека со денови чувствувала голем замор пред да се појават симптоми, а дополнителните симптоми ја убедиле дека не станува збор за обична настинка. Вакцините, според експертите, се многу ефикасни во спречување на појава на сериозни симптоми, но ниту една вакцина не е 100% ефикасна, објаснува д-р Лиза Адамс, декан на универзитетот Дартмут.
Пол Офит, директор на Детската болница во Америка, вели дека вакцините сепак ја исполниле својата задача. „Целта на вакцината е да ве заштити од болничко лекување и смртен исход. Ако имате лесна инфекција, тоа не е ништо страшно“
„Знаеме дека има и дека ќе има случаи на инфекција и кај вакцинирани лица, но сега сме во ситуација кога многу малку вируси се во оптек. Исто така, кај овие луѓе, формата на болеста ќе биде лесна“, додаде таа.
Вакцините спречуваат хоспитализација и смртен исход
Д-р Рошел Валенски, директор на Центарот за контрола на болести, рече дека новите податоци покажуваат дека 99,5 проценти од смртните случаи се кај луѓе кои не се вакцинирани. Од 157 милиони луѓе кои биле вакцинирани, само 733 починале. Околу 75 проценти од новите инфекции се случиле кај луѓе над 65 години.
Пол Офит, директор на Детската болница во Америка, вели дека вакцините сепак ја исполниле својата задача. „Целта на вакцината е да ве заштити од болничко лекување и смртен исход. Ако имате лесна инфекција, тоа не е ништо страшно“, додаде тој.
Симптоми
Според податоците, инфекциите се чини дека се лесни и честопати без симптоми. Ако зборуваме за делта сојот, станува збор за течење на носот и главоболка.
Маша Гесен, новинарка во „Њујоркер“, исто така се разболела иако била вакцинирана. Болеста била лесна, а симптомите вклучувале течење на носот, иритација на очите, замор, губење на мирис и вкус, но сите исчезнале во рок од една недела. Некои, исто така, пријавиле и запек и главоболка. Откако ја примил вакцината „Модерна“, Травис Дагнаис од Бостон по два месеца исто така се разболел, а страдал од симптоми налик на настинка, заедно со температура и иако му било тешко, најмногу се прашувал што ќе се случело ако не бил вакциниран.
Луѓето кои добиле Ковид-19, иако биле целосно вакцинирани, честопати имаат многу помалку вирус во нивното тело, што значи и дека се помалку заразни, тврди студија спроведена во Израел
„Мора да разбереме дека 94 или 95 проценти од вакцината се сигурни, а не 100 проценти. Не станува збор за заштитен оклоп и невидлива сила. Тешко е да се помине низ она што јас поминав, но не можам да замислам како ќе беше ако не бев вакциниран“, додаде тој во интервју за „Бостон 25 вести“.
Помалку опасни за другите
Иако Каме сè уште има некои симптоми на болеста, таа е среќна што вирусот не го пренела на семејството. „Мојот партнер дури не се ни вакцинираше, а не се разболе, иако спиевме во ист кревет. Работата е во тоа дека може да се разболите после вакцината, но не мора нужно да го пренесете вирусот на блиски луѓе, а на тој начин ќе го избегнете и чувството на вина, за кое претпоставувам дека е ужасно“, додаде таа.
Луѓето кои добиле Ковид-19, иако биле целосно вакцинирани, честопати имаат многу помалку вирус во нивното тело, што значи и дека се помалку заразни, тврди една студија спроведена во Израел.
