Болеста Ковид-19 остава зад себе многу различни последици. И додека некои минуваат без никакви трајни последици, други се борат со долгиот Ковид со месеци.
Меѓу последиците што се јавуваат се таканаречените „Ковид прсти“, појава на лезии на кожата на прстите на нозете кај пациенти со Ковид-19. Зафатената кожа – обично прстите на нозете, а понекогаш и прстите на рацете изгледа како како пациентот да имал смрзнатини – може да изгледаат црвено или виолетово. Некои луѓе развиваат болни испакнатини или области со груба кожа. Може да има и гној.
Добрата вест е што третманот е релативно едноставен и вклучува локална или системска администрација на лекови за намалување на воспалението
Состојбата може да биде многу болна, поради чувството на чешање или жарење, со осетливи плускавци и оток. Често се јавува и кај пациенти кои не развиле симптоми на инфекција со коронавирус, што дополнително ја отежнува идентификацијата на состојбата и третманот.
Може да се појави на која било возраст, но почесто ги погодува децата и тинејџерите.
Токму со овој феномен се занимаваа научниците, кои се чини дека конечно открија што може да биде причината за ваквата реакција на телото.
Во студијата објавена во „British Journal of Dermatology“, научниците од Универзитетот во Париз проучувале 50 случаи на „Ковид прсти“ забележани во Париз и заклучиле дека лезиите се должат на прегресивниот имунолошки одговор на телото на инфекција.
Врз основа на тестови на крвта и биопсија на кожата, научниците откриле дека во прстите се појавува абнормално ниво на молекулата на интерферон 1. Оваа молекула е клучна во борбата против инфекциите во телото, бидејќи дејствува како прва одбранбена линија и го стимулира имунолошкиот систем да дејствува.
„Ковид прстите“ беа забележани на самиот почеток на пандемијата, но со зајакнувањето на делта варијантата, барем според моментално достапните податоци, тие стануваат се поретки. Научниците не се сигурни зошто. Некои како причина ги наведуваат вакцините кои обезбедуваат заштита од сериозни форми на Ковид-19 и смрт
Но, во случајот на Ковид-19, се чини дека молекулите се со поголема брзина и работат прекувремено, односно премногу агресивно ги привлекуваат клетките на имунолошкиот систем во погодената област. Ова доведува до оштетување на деловите од телото каде крвните садови се најтесни – како прстите на нозете. Научниците исто така открија и дека во „Ковид прстите“ се развиваат антитела кои го напаѓаат и телото, а не само вирусот, што дополнително ја отежнува ситуацијата.
Добрата вест во сето ова е дека третманот е релативно едноставен и вклучува локална или системска администрација на лекови за намалување на воспалението.
Интересно е што „Ковид прстите“ беа забележани на самиот почеток на пандемијата, но со зајакнувањето на делта варијантата, барем според моментално достапните податоци, тие стануваат се поретки. Научниците не се сигурни зошто. Некои како причина ги наведуваат вакцините кои обезбедуваат заштита од сериозни форми на Ковид-19 и смрт. (Би-Би-Си)
- Линк до студијата ТУКА
