Првата студија „Human Challenge Covid-19“ во светот ќе започне во рок од еден месец во Велика Британија, со намерно изложување на коронавирус до 90 здрави млади луѓе.
Доброволците ќе бидат изложени на вирусот во безбедна и контролирана средина, додека медицинските лица ќе ја следат нивната состојба и здравје
„Human Challenge“ е називот на контролирано испитување на инфекцијата кај луѓето и е еден вид на клиничко испитување на вакцината или друг лек што вклучува намерно изложување на испитаниците на болеста што се истражува.
Во истражувањето, кое доби етичко одобрување и ќе започне во следните неколку недели, ќе учествуваат 90 лица на возраст од 18 до 30 години.
Доброволците ќе бидат изложени на вирусот во безбедна и контролирана средина, додека медицинските лица ќе ја следат нивната состојба и здравје. Досега, повеќе од 15 милиони луѓе во Велика Британија примиле вакцина против ковид-19.
„Human Challenge“ студиите имаат одиграно клучна улога во развојот на лекување на голем број болести, вклучувајќи маларија, тифус, колера и грип
Ова тестирање ќе им помогне на научниците да утврдат која е минималната количина на коронавирус која е потребна за да се предизвика инфекција и како човечкиот имунолошки систем реагира на неа. Резултатите ќе им овозможат на лекарите подобро разбирање на Ковид-19, а резултатите ќе придонесат за понатамошен развој на вакцини и третмани.
Во истражувањето, научниците ќе користат вирус што циркулира во Велика Британија од почетокот на пандемијата во март, а за здравите луѓе кои доброволно ќе бидат заразени со вирусот, тоа ќе претставува низок ризик по здравјето, објасни Клајв Дикс, кој привремено претседава со Работната група за вакцини на Велика Британија.
„Бараме волонтери на возраст од 18 до 30 години да се придружат на нашите истражувачки напори како би ни помогнале да разбереме на кој начин вирусот заразува луѓе и како се шири толку брзо меѓу населението“, рече водачот на студијата, д-р Крис Чиу од „ Imperial College“. Тој посочи дека крајната цел на истражувањето е да се утврди кои вакцини и начини на лекување делуваат најдобро во борбата против оваа болест.
