ЗОШТО ДЕТЕТО ТРЕБА ДА СИ ИГРА? На овие начини влијае на правилен развој, а не ви се потребни скапи играчки

Стручњаците велат дека играта е детска работа, а еве зошто таа е неопходна за правилен развој.

Научниците велат – играта е работа за децата и тоа е навистина така. Низ игра децата учат за светот, за себе и за останатите луѓе. Таа е важен дел од здравиот развој исто колку и правилната исхрана, квалитетниот сон и читањето.

Не постои добар или лош начин на игра. Некогаш децата си играат во друштво, а некогаш сами. Понекогаш зборуваат на глас, а понекогаш во себе. Играта може да биде валкана, во кал, песок, а понекогаш е сосема мирна во домот. А, за игра не се потребно некои особено скапи играчки. Поважно им е времето и просторот за да истражуваат идеи и нивната слобода. Без разлика како изгледа играта, тие секогаш учат преку неа.

ЗОШТО Е ВАЖНА ИГРАТА?

  • Ја зајакнува имагинацијата и креативноста

Во текот на играта, имагинацијата игра најважна улога. Тие обично играат игра на улоги или создаваат свој свет. Тие бараат нови идеи и начини, а со тоа ја зајакнуваат својата самодоверба. Тие ги поставуваат правилата и учат како да се прилагодат на нив. Сите овие се добри вештини кои ќе бидат многу корисни подоцна во животот.

  • Играта поттикнува когнитивен развој

Ова, всушност, значи дека играњето е од суштинско значење за здрав развој на мозокот. Кога ќе му дозволиме на детето да игра во насоката што ја сака, без наше водство и насочување, тоа влијае на мозокот од многу аспекти. Се зајакнува врската помеѓу нервите со мозокот. Ова е клучно за нашето размислување. И играта што ние им ја насочуваме има предности за детето, бидејќи на тој начин учи, решава проблеми и собира знаење од својата околина.

 

  • Играта има емоционални и бихејвиорални придобивки

Кога сме уморни, бараме активности што би не смириле. Одиме во теретана, пиеме пијачка со пријателите, се шетаме, садиме цвеќиња, играме друштвени игри. Сите овие активности се многу повеќе од одвлекување на вниманието. Вака ја враќаме играта во нашите животи. Кај децата не е ништо поразлично, освен што имаат многу повеќе време за игра. Секојдневната игра ја намалува анксиозноста, стресот и немирот. Таа поттикнува радост и самодоверба.

 

 

  • Играта влијае и на физичкото здравје

Телото е создадено за движење и активност. Важно е да се поттикне детето да биде активно преку игра. Така учи да го користи своето тело и да го јакне мозокот. Ова, се разбира, многу влијае на нивниот имунитет и целокупното здравје. Без оглед на интересите, способностите и желбите, активната игра му помага на детето да:

ги заострува рефлексите

подобро ги контролира своите движења

ги подобрува моторните вештини

ги зајакнува мускулите

ги зајакнува коските

ја подобрува кардиоваскуларната функција

И сето тоа преку забава!