Приспивните песни се одлични за бебињата, бидејќи ги смируваат. Бебињата реагираат на самата песна, без оглед на тоа дали ја знаат мелодијата или јазикот на кој се пее.
Она што е единствено важно е дека се работи за приспивни песни, но и да ги пее за нив драга личност. Токму тоа го докажало и истражувањето во кое се проучувало како децата реагираат на различни песни пред заспивање, а откриле дека најдобро реагираат токму на звукот на приспивните песни.
Овој тип на песни ја забавува работата на срцето на детето, што влијае на мирно и длабоко дишење и тоа дополнително го смирува. Приспивната песна е одлична оти нивната мелодија се повторува, лесна е и опушта, а тоа го смирува бебето.
Дополнителна предност е ако приспивната песна ја пеат родителите или позната личност на чиј глас е навикнато бебето и поради што се чувствува безбедно.
Значи, приспивните песни се одлични од повеќе причини. Тие го смируваат бебето, го поврзуваат лицето што ги пее и бебето, се намалува нивото на стрес кај бебето и кај личноста што ги пее, а го продлабочува и дишењето кај детето и овозможува подобар сон.
Ако не ви текнува некоја приспивна песна, креирајте своја. Не заборавајте дека единствено е важно бебето да го слушне вашиот глас, зборовите не се важни.
