Болките на раст се јавуваат во мускулите на двете нозе, кај децата во предучилишна возраст и предтинејџерскиот период. Најчесто се јавуваат во доцните вечернии часови, а некогаш може да доведе и до будење на детето во сред ноќ.
Обично почнуваат уште во раното детство околу 3.и 4. година. Подоцна се јавуваат помеѓу 8 и 12 години.
СИМПТОМИ
- Се разликуваат од дете до дете. Некои деца имаат силни болки, некои не. Повеќето и не ги чувствуваат во текот на денот.
- Може да се јават и едноставно да престанат. Некои ги чувствуваат со месеци, некои дури и со години.
- Овие болки најчесто се јавуваат во вечерните часови и ноќе, а многу често може да бидат предизвикани од зголемена физичка активност.
Доколку детето се чувствува добро наутро, не донесувајте заклучоци дека глуми. Тие болки многу често исчезнуваат наутро.
Во суштина, болките на раст се јавуваат во пределот на двете нозе, особено во предниот дел на бутовите, задниот дел на ногата или во јамата на потколеницата.
