Децата го истражуваат светот со своите раце, а колку е важно редовно да се мијат открива новата студија според која тие допираат неверојатно многу работи во текот на денот, што може да придонесе за ширење на COVID-19, но и други извори на болести, но и самите да се разболат.
Миењето на рацете станува сè поважно во последните неколку месеци, бидејќи се покажа дека е еден од најефикасните начини за спречување на ширење на коронавирусот, како и сезонските настинки и грип
Од почетокот на пандемијата, постојано ја слушаме истата препорака – мијте ги рацете што е можно почесто, а истото практикувајте го и со децата, зашто има многу добра причина за тоа. Имено, неодамна беше утврдено дека децата во просек допираат неверојатни 186 работи со рацете од моментот кога ќе се разбудат па се додека не легнат, пренесува „Дејли мејл“.
Впечатливата фотографија, чиј автор е британски бренд на сапуни по повод Глобалниот ден на миењето раце, нагласува зошто е важно децата редовно да ги мијат рацете во текот на целиот ден, особено за време на пандемијата COVID-19.
Што допираат децата во текот на денот – од плишани играчки до училишна униформа, студијата ги следела децата во нивниот секојдневен живот, истражувачите снимале се што допираат, а резултатите покажуваат дека малите деца навистина допираат сè – од опрема на игралиштата до тоалетната даска.
Миењето раце физички го отстранува вирусот COVID-19 од нив. „Миењето на рацете станува сè поважно во последните неколку месеци, бидејќи се покажа дека е еден од најефикасните начини за спречување на ширење на коронавирусот, како и сезонските настинки и грип, па затоа не сум изненаден што родителите апелираат да се потенцира важноста на хигиената на децата во училиштата и градинките“, вели д-р Рањ Синг.
Како правилно да ги измиете рацете?
- Чекор 1: Навлажнете ги рацете под млаз проточна вода,
- Чекор 2: Нанесете доволно сапун за да ги покриете влажните раце,
- Чекор 3: Мијте ги сите површини на рацете – вклучувајќи ги и просторот помеѓу прстите и под ноктите – најмалку 20 секунди,
- Чекор 4: Исплакнете темелно со проточна вода,
- Чекор 5: Исушете ги рацете со чиста крпа или хартиена крпа.
