Како родители, сакаме нашите деца да растат среќни, здрави и успешни. Ние сме насочени кон оваа цел, понекогаш дури и толку многу, што забораваме на некои други важни аспекти како што се развојот на емоционалната интелигенција и емпатијата.
Меѓутоа, токму новите истражувања покажуваат дека емпатијата е всушност клучот за да им се помогне на децата да избегнат ризично однесување во иднина и да успеат како возрасни. Всушност, овие студии истакнуваа колку е важно децата да чувствуваат поддршка од нивните родители додека растат.
Со студијата спроведена на 4.000 деца на возраст меѓу 12 и 17 години се обидувало да се утврди врската помеѓу родителската емпатија и чувствата што им ги изразувале на децата во текот на растењето, со нивното однесување за време на пубертетот и тинејџерските години.
Истражувачите откриле дека децата кои чувствуваат емпатија и поддршка од нивните родители имаат помала веројатност да развијат ризично однесување или деликвенција.
Децата пак кои не се чувствуваат сакани и поддржани од нивните родители и се лишени од грижа и чувствителност, имаат поголема веројатност да “западнат во неволја“ на возраст од 13 до 19 години.
Со студијата е утврдено и дека родителската топлина, чувствителноста и силната врска родител-дете позитивно корелирале со социјалното однесување и емпатијата на детето. Односно, дека емпатичните родители ќе воспитуваат исти такви деца.
Децата пак кои растеле во родителски дом со недостаток на емпатија се склони кон агресивно однесување, па дури и насилство во подоцнежните години.
Целта на оваа и слични студии е да им ги отворат очите на родителите и да им ја покажат важноста да работат на емоционалната интелигенција на детето. За среќа, учењето на децата на емпатија не е тешка мисија – и родителите можат да започнат во секое време.
