Еве како да уживате покрај вашето бебе во првите недели по породувањето

Првите недели со бебето се посебни моменти и не постои начин да не ги забележите, но секогаш можете себе си да си олесните.

Сте се породиле и одите дома со детето?

Можеби ќе бидете исплашени оти не знаете што може да очекувате во првите недели со новиот член на семејството. Некои ќе ви кажат дека првите шест недели се најтешки, за други тоа се првите две недели, но не заборавајте дека доаѓањето на бебе во вашиот дом е среќа и благослов.

Ова се неколку совети како во целост да уживате во мајчинството во првите недели.

Раѓањето на детето секако ќе ви го промени животот, а освен тоа ќе чувствувате и многу поголема одговорност. Првите недели со бебето се посебни моменти и не постои начин да не ги забележите, но секогаш можете себе си да си олесните. Пред да се вратите од породилиште, подгответе ги нештата кои ќе ви бидат потребни. Значи, пелени, влажни марамчиња, крема, убава и топла облека, прибор за доење, креветче, покривка, средства за нега на бебето…

Освен тоа, кога ќе го донесете бебето дома, обидете се да не паничите и да доживувате стрес. Опуштете се и сетете се дека секој момент со вашето бебе е благослов. Не се менува само вашиот живот, туку и на бебето кое се обидува да се прилагоди на новиот свет. Ако бебето плаче цела ноќ, гушнете го и смирете го. Потрудете се на бебето секогаш да му е пријатно, не претопло. Најдобро е креветчето да биде до вашиот кревет.

Опуштете се и сетете се дека секој момент со вашето бебе е благослов.

Научете правилно да го доите новороденчето. Можеби во првите денови ќе ви биде тешко, можеби првите неколку недели ќе ве болат и градите. Но, бидете трпеливи, овој период брзо поминува. Бирајте облека која ќе ви олесни доењето. За сите дополнителни прашања може да ја консултирате патронажната сестра, но и својот лекар.

Не заборавајте дека бебето не е толку нежно како што мислите. Мора да се опуштите, одморите и најдете време да се галите со него. Дозволете си себе си некогаш да бидете мрзеливи и уживајте во секоја секунда од првите недели со детето во својот дом.