ПИШУВА:
Прим. д-р Методија Томевски
специјалист педијатар
♦♦♦♦♦♦♦
ЕКОНОМИЈА ВО ПРИМАРНАТА ЗДРАВСТВЕНА ЗАШТИТА
Здравствената состојба на земјата се смета за најмериторен систем во проценката за економскиот развој на земјата.
Причини: Здравиот човек може повеќекратно повеќе да придонесе во процесот на производството отколку болниот. Болниот додека е болен не само што не придонесува, туку зависно од болеста, од времетраењето, од компликациите, тој може само за десетина дена или повеќе да ја потроши не само месечната заработувачка, туку и целокупниот годишен здравствен придонес. Вакцинираните особи не само што се штитат себеси од заразни заболувања, туку истовремено ги штитат и сите луѓе околу нив. Тоа доведува и до поздраво целокупно општество. Таквиот народ ќе биде во состојба да го живее животот со целокупниот капацитет за работните задачи, но да ужива и во спортот и задоволствата, што директно влијае и на продуктивноста во работата.
Децата нема да отсуствуваат од градинките, од училиштата, факултетите. Ќе покажуваат подобар успех, што за нив во тој период е од посебно значење. Нивните родители нема да отсуствуваат од работа за боледувања. Нема да има посебни потреби од посебна храна и лекови итн. Затоа сите преземени здравствено-просветни мерки во примарната здравствена заштита, од институциите под покровителство на државата, се најисплатливи и даваат и најдобри економски резултати.
„Никој друг не е во ризик ако јас не го вакцинирам своето дете“. Да, теоретски одржлив е овој став, но под еден услов: моето дете целиот живот да го помине под стаклено ѕвоно, или во џунгла, без никој и никого. Тоа е апсурд? Да, па и парадигмата е апсурдна
Хелт Груп (Helth Group), согласно нивниот економетриски мериторен систем, констатира дека максимална инвестиција во примарната здравствена заштита дава и максимални економско-финансиски резултати. Имено таа инвестиција е во состојба да го подигне БНП (ЏиДиПи) на државата од 9% до 19%. Такви резултати ниедни други мерки не можат да постигнат. Од друга страна овозможува решавање на 90% од здравствените проблеми на примарно ниво. Денес тој процент со нашето здравство е сведен дури на само 63%. Оваа состојба неминовно е да се менува.
Сосема на крај на оваа студија за превентивната дејност во примарната здравствена заштита, каде што спаѓа и вакцинацијата, децении наназад, заслужуваат внимание неколкуте најважни принципи и ставови на оваа тема на првиот претседавач на СЗО (Светската здравствена организација) во 1948 год. во Женева, проф. д-р Андрија Штампар:
-
Известувањето на народот е многу поважно од законите.
-
Најважно е да се припреми терен и правилно сфаќање за здравствените прашања.
-
Со прашањето на народното здравје потребно е сите без разлика да се интересираат и да се занимаваат.
-
ПРОЧИТАЈТЕ И… Додавањето на витамин Д треба да започне уште со самото забременување
-
Лекарот не смее да биде финасиски зависен од пациентот.
-
Лекарот би требало да го бара пациентот, а не обратно.
-
Прашањето за народното здравје е од поголем економски интерес отколку од хуманитарно значење. Долгорочно гледано е точно.
Пост-скриптум:
- Ставот, поточно парадигмата на д-р Владо Колевски: „Немојте да ги вакцинирате децата, освен тие што би сакале да останат живи“… Со помалку зборови, повеќе не е можно да се каже. Има ли човек на ваквата изјава – став што би останал рамнодушен? НЕМА и точка.
Колега, Ви честитам, a на претставникот на УНИЦЕФ, господинот Бенџамин Перкс, му предлагам да побара авторско право и Вашата ПАРАДИГМА да биде преземена и да најде место веднаш до досегашното лого, ОК?
- Еве уште една парадигма од мене: „Никој друг не е во ризик ако јас не го вакцинирам своето дете“. Да, теоретски одржлив е овој став, но под еден услов: моето дете целиот живот да го помине под стаклено ѕвоно, или во џунглата, без никој и никого. Тоа е апсурд? Да, па и парадигмата е апсурдна.
This is a comprehensive cover story!
(Крај)
ПРОЧИТАЈТЕ ПОВЕЌЕ НА ИСТАТА ТЕМА:
-
ИМУНИЗАЦИЈА (3). Прим. д-р Методија Томевски: Што се случи кај нас, та успешната приказна со вакцинацијата и заразните болести да се претвори во ноќна мора?
-
ИМУНИЗАЦИЈА (2). Прим. д-р Методија Томевски: Пред вакцинацијата против морбили епидемиите се повторуваа на секои 3 до 5 години и многу
-
ИМУНИЗАЦИЈА (1). Прим. д-р Методија Томевски: Како се разруши најсветлата, највисоко достигната здравствена превентивна „пирамида“
