Сезоната на болести одамна е отворена, особено за родителите чии деца одат во градинка или на училиште. Како што опаѓаат температурите, така сè повеќе сме затворени во нашите домови, собите се проветруваат сè помалку, а бактериите и вирусите наголемо уживаат во тоа. Ако болеста е веќе присутна, донесуваме неколку совети како да му помогнете на вашето дете да закрепне побрзо на најприроден можен начин, а овие совети дефинитивно ќе помогнат во ублажувањето и потполното исчезнување на кашлицата.
Гаргара со вода со морска сол може да помогне при болки во грлото и воспалено грло, додека плакнењето на носот со солена вода ја навлажнува и чисти слузокожата. Вашите малечки нека си го мијат носот секој ден веднаш по доаѓањето од градинка/училиште и би можеле да ги избегнат болестите
ХИДРАТАЦИЈА
Иако често се зборува за важноста на доволно внесување течности, најдобро вода, можеби не сте знаеле дека доволната хидратација е исто така многу важна за закрепнување од настинка и за запирање на кашлањето. Зошто е тоа така? Редовното пиење вода за време на кивање и кашлање го намалува воспалението во грлото и ја измива инфекцијата од грлото.
Топлите пијалаци исто така добро ќе ја завршат работата, па можете да му понудите на вашето дете супи и чаеви заедно со вода. Свежо цедените природни сокови на собна температура исто така можат да бидат добар избор доколку се консумираат во помали количини и ако детето нема болно грло, бидејќи киселината од соковите може да создаде чувство на печење во грлото.
ВЛАЖНОСТ НА ВОЗДУХОТ
Сувиот воздух, освен што може да биде причина за иритирачка кашлица, го олеснува ширењето на сите ситни честички низ воздухот. Користете навлажнувач или старата добра метода, зовријте вода во тенџере и оставете ја пареата да се шири низ просторијата. Ако додадете и неколку капки есенцијално масло, целото семејство ќе продише.
ИСПИРАЊЕ НА ГРЛОТО И НОСОТ
Гаргара со вода со морска сол може да помогне при болки во грлото и воспалено грло, додека плакнењето на носот со солена вода ја навлажнува и чисти слузокожата и може да биде многу корисно како превентивна мерка. Вашите малечки нека си го мијат носот секој ден веднаш по доаѓањето од градинка/училиште и би можеле да ги избегнат болестите.
ЗДРАВЈЕТО ВЛЕГУВА ПРЕКУ УСТАТА
Препарати за зајакнување на имунитетот на база на пчелни производи (за деца доволно постари да ги консумираат), топол чај со мед и лимон, многу овошје и зеленчук, што е можно помалку слатка храна, сето тоа се совети кои можат да го зајакнат имунитетот на целото семејство.
НА ТЕЛОТО МУ ТРЕБА ОДМОР
Заморот може да има големо влијание врз здравјето. Покрај тоа што ни паѓа имунитетот ако не се грижиме доволно за себе, и недостатокот од одмор додека сме болни може да ја продолжи болеста.
