Кои се најчестите несакани ефекти по вакцинирањето со Фајзер?

Вакцината на Фајзер/Бионтек понекогаш може да предизвика благи до умерени несакани ефекти по вакцинацијата

Многу поединци кои ги примиле обете дози на вакцината, изјавиле дека симптомите биле поизразени по втората доза. Сепак, во повеќето случаи тие биле благи до умерени и траеле максимум неколку дена

Чести несакани ефекти

Според извештајот на ФДА, најчестите несакани ефекти по вакцинирањето со Фајзер (mRNA тип на вакцина) се:

  • Замор;
  • Главоболка;
  • Треска;
  • Болки во мускулите и зглобовите;
  • Гадење;
  • Дијареја;
  • Грозница;
  • Отечени лимфни јазли.

Некои луѓе, исто така, пријавиле и несакани ефекти на местото на инјектирање, вклучувајќи болка на местото на вакцината, црвенило и оток. Овие несакани ефекти често се показател дека вакцината делува, предизвикувајќи одговор на имунолошкиот систем.

Многу поединци кои ги примиле обете дози на вакцината, изјавиле дека симптомите биле поизразени по втората доза. Сепак, во повеќето случаи тие биле благи до умерени и траеле максимум неколку дена.

Состојката која се наоѓа во mRNA вакцините и која може да предизвика алергиска реакција е хемикалија наречена полиетилен гликол (PEG)
Израел истражува случаи на миокардитис по вакцинацијата против коронавирус со Фајзер
Израелското Министерство за здравство во неделата објави дека истражува мал број случаи на воспаление на срцето кај луѓе кои биле вакцинирани со вакцината на Фајзер/Бионтек против коронавирус, но сè уште не се донесени никакви заклучоци.
Од Фајзер објавија дека не забележале почеста појава на миокардитис кај вакцинирани лица во споредба со општата популација.
Израелскиот координатор за одговор на пандемијата Нахман Еш рече дека прелиминарната студија покажува „десетици случаи“ на миокардитис кај повеќе од пет милиони вакцинирани лица, главно по втората доза. Тој рече дека не е јасно дали станува збор за невообичаено голема бројка и дали е поврзана со вакцината. Повеќето случаи се забележани кај луѓе под 30-годишна возраст.
Би било тешко да се докаже поврзаноста затоа што миокардитисот, состојба која често поминува без компликации, може да биде предизвикана од низа други вируси, а сличен број случаи биле пријавени и во претходните години.

Од Американскиот центар за контрола и превенција на болести (CDC) наведуваат дека анафилаксата е исклучително ретка, а ја имале 0,001% од луѓето вакцинирани во САД

Алергиски реакции и анафилакса

Алергиските реакции се сметаат за сериозен несакан ефект, но овој несакан ефект е редок. Симптоми на тешка алергиска реакција или анафилакса вклучуваат:

  • Отежнато дишење;
  • Оток на лицето и грлото;
  • Забрзано чукање на срцето;
  • Осип;
  • Вртоглавица.
Несаканите ефекти често се показател дека вакцината делува, предизвикувајќи одговор на имунолошкиот систем

Од Американскиот центар за контрола и превенција на болести (CDC) наведуваат дека анафилаксата е исклучително ретка, а ја имале 0,001% од луѓето вакцинирани во САД. Состојката која се наоѓа во mRNA вакцините и која може да предизвика алергиска реакција е хемикалија наречена полиетилен гликол (PEG).

PEG често се наоѓа во лаксативи кои се користат за лекување на запек. Кога се наоѓа во вакцина, PEG делува така што ја обложува молекулата на mRNA и го поддржува нејзиното влегување во клетките, пишува „Medical news today“. Оваа хемикалија претходно не била честа компонента на вакцината и затоа има ограничени информации за нејзините алергиски ефекти.

На лицата со анамнеза на тешка или непосредна алергија на PEG или други состојки во mRNA вакцините им се препорачува да не примаат ваков вид на вакцини против Ковид-19.