НАВИКИ КОИ ТРЕБА ДА ГИ ПРИФАТИМЕ: Што можеме да направиме за да го зачуваме здравјето на целото семејство за време на пандемија

Освестувањето на важноста на здравиот стил на живот и одржувањето на оптимална телесна тежина е исклучително важно за да во време на инфекција со новиот коронавирус се сочува здравјето.

За да се сочува здравјето, нужно е да се обезбеди секојдневна телесна активност за сите членови на семејството. Според препораките на Светската здравствена организација, потребно е да се издвојат најмалку:

  • 30 минути умерена до интензивна физичка активност за возрасни
  • 180 минути за физички активности со различен интензитет за деца до шест години
  • 60 минути умерена до интензивна физичка активност за деца и млади на возраст од шест до 18 години

Покрај редовната физичка активност, за зачувување на здравјето важна е и правилната исхрана. Долгиот престој во домот е време кога, во отсуство на активности, премногу често посегнуваме по разни меѓуоброци. Оброците не само што се почести, туку и почесто содржат прекумерни количини сол, шеќер и маснотии.

Затоа, во време на епидемија, не заборавајте дека сè уште треба да внимаваме што и колку јадеме:

  • 40% зеленчук
  • 20% протеини
  • 10% овошје
  • 30% житарки