Нова студија открива колку навистина можат да траат симптомите на „долг-Ковид“, а резултатите се загрижувачки.
Сите сме слушнале за „долг-Ковид“ и што носи со себе, а многумина кои и ги доживеале овие симптоми потврдуваат дека оваа состојба дефинитивно постои. Според „Харвард Газет“, луѓето кои доживеале симптоми кои траат многу подолго од самата болест, добро знаат што значи тоа и колку тешка може да биде борбата секој ден. Сега има и нови резултати од студија спроведена на Универзитетот Стенфорд, која се осврнува на прашањето колку долго едно лице може да ги има овие непријатни симптоми, а податоците се изненадувачки.
Истражувачите проучувале случаи на околу 10.000 луѓе кои ја имале оваа болест, вклучувајќи ги и оние со умерени до тешки симптоми. Според резултатите од студијата, повеќето од нив не се ослободиле од барем еден симптом ниту 60 дена по дијагнозата, па дури и шест долги месеци.
Овие симптоми вклучуваат „мозочна магла“, отежнато дишење, губење на вкус и мирис, депресија, вознемиреност, треска и замор.
Иако податоците не ветуваат, важно е да се запамети една разлика која е особено битна за луѓето кои моментално ја доживуваат оваа состојба. Според резултатите од студијата, пациентите вклучени во студијата биле хоспитализирани поради сериозна состојба. Од нив, 70 проценти изјавиле дека симптомите траат и откако оздравеле од болеста. Околу 40 проценти од испитаниците пријавиле замор, 36 проценти имале проблеми со дишењето, а 29 проценти изјавиле дека страдаат од нарушување на спиењето.
Симптомите вклучуваат „мозочна магла“, отежнато дишење, губење на вкус и мирис, депресија, вознемиреност, треска и замор
„Бројките се шокантни, особено кога станува збор за отежнато дишење и замор, а тоа се состојби кои можат многу да го исцрпат човек. Некои дури пријавиле и дека имаат проблеми со качување по скали“, изјавила авторката на студијата Тахмина Насери.
Главниот водач на студијата, д-р Стивен Гудман, заклучува дека досега овие долгорочни последици од болеста Ковид-19 биле игнорирани, а на луѓето им се кажувало дека сето тоа е во нивните глави.
Прашањето сега не е дали ова е вистинска појава, туку колку е голем проблемот. Поради овие резултати, можно е лекарите да мора да се грижат за пациентите долго по самата инфекција.
