Се почесто слушаме за пробивни инфекции на коронавирус – кога целосно вакциниран поединец ќе се зарази со вирусот SARS-COV-2, тоa е познатo како пробивна инфекција. Со зголемување на бројката на вакцинирана популација, многу пробивни случаи излегоа во преден план. Се верува дека вакцинираните лица или остануваат асимптоматски или развиваат благи до умерени симптоми. Во одредени случаи, во зависност од возраста на лицето, постоечки коморбидитети, тој или таа може да подлегне на вирусот. Сепак, шансите се многу мали.
Во студијата учествувале 579.372 целосно вакцинирани лица, од кои 30.183 со дијагноза нарушување во употребата на супстанции. Волонтерите биле вакцинирани помеѓу декември 2020 и август 2021 година и не се заразиле со инфекцијата пред вакцинацијата
Целосно вакцинираните лица не треба да се опуштаат
Ако сте вакцинирани, безбедни сте од тешка болест предизвикана од Ковид-19, но сепак, може да го фатите вирусот. Новите варијанти, особено делта, поставија големи предизвици за вакцините против Ковид-19, попречувајќи го нивниот пат да обезбедат максимален имунитет.
Како и да е, целосно вакцинираните лица не смеат да се опуштаат и мора да продолжат да ги преземаат сите мерки на претпазливост. Покрај тоа, сезоната на грип е тука за да направи уште поголем хаос, а научниците веруваат дека сме на прагот да бидеме сведоци на „твиндемија“.
Фактори кои ве прават посклони кон пробивна инфекција
Постојат многу фактори кои можат да го зголемат ризикот од развој на пробивна инфекција. Главната причина се новите варијанти што се појавуваат. Тие се многу преносливи и може да го избегнат имунитетот предизвикан од вакцина. Со оглед на тоа што вакцините против Ковид-19 се развиени во однос на оригиналниот сој на Ковид, новите варијанти може да ги избегнат антителата обезбедени од вакцините.
Имунолошкиот систем на една личност може да игра витална улога. Со оглед на тоа дека луѓето кои имаат компромитиран имунитет може да бидат посклони кон инфекции со SARS-CoV-2, антителата што ги добиваат од вакцините може да исчезнат побрзо со текот на времето. Toa e причината зошто многу земји во моментов разговараат за потребата од бустер дози.
Освен овие два важни ризик фактори, типот на вакцината што ја добивате и времето поминато од вашата вакцинација, исто така, може да влијаат на вашите шанси да се заразите со Ковид-19 откако сте вакцинирани.
Што откриваат најновите истражувања?
Во прилог на гореспоменатите ризик фактори, неодамнешно истражување сугерира дека лице со нарушувања во употребата на супстанции т.е. кога некое лице е зависно од марихуана, алкохол, кокаин, опиоиди и тутун, може да биде 8 проценти посклоно кон пробивна инфекција Ковид-19. За оние без овој услов, бројот се намалува на 3,6 проценти, според авторите на студијата објавена во „World Psychology“.
Во студијата учествувале 579.372 целосно вакцинирани лица, од кои 30.183 со дијагноза нарушување во употребата на супстанции. Волонтерите биле вакцинирани помеѓу декември 2020 и август 2021 година и не се заразиле со инфекцијата пред вакцинацијата.
Ризикот од пробивна инфекција кај пациенти со нарушување во употребата на супстанции се движи од 6,8 проценти за нарушување во употребата на тутун до 7,8 проценти за корисниците на канабис. Кај популацијата без нарушување во употребата на супстанции процентот бил 3,6.
Според студијата, „овие податоци сугерираат дека целосно вакцинираните лица со нарушувања во употребата на супстанции се изложени на поголем ризик за пробивна инфекцијата Ковид-19, и тоа во голема мера се должи на нивната поголема преваленца на коморбидитети и негативни социоекономски детерминанти на здравјето во споредба со лицата кои немаат нарушување во употребата на супстанции“. (Times of India)
