Имунологот и поранешен директор на Клиничкиот центар во Ниш, универзитетски професор во пензија д-р Борислав Каменов вели дека не е точно дека антителата се главни во борбата против коронавирусот, како што постојано се зборува, истакнувајќи ја важноста на имунитетот.
„Без разлика дали ќе примиме вакцина или не, ќе бидеме на најдобриот пат да се разболиме ако немаме доволно силен неспецифичен имунитет, кој е нашиот основен механизам во борбата против вирусот“, вели д-р Борислав Каменов за „Данас“.
Тој потенцираше дека вакцинацијата против коронавирус е неопходна, но дека нема соодветен ефект доколку граѓаните „не поработат“ на зајакнување на нивниот основен, неспецифичен имунитет, кој во најголема мера го уништуваат бројни и разни отрови, од храна до загадување на воздухот.
Како што тврди д-р Каменов, за зајакнување на овој вид имунитет и борба против инфекцијата со коронавирус значително може да придонесе еден „исклучително ефикасен и евтин лек“ – витаминот Д. (Н1)
