Психолозите предупредуваат на синдром “деца духови“, односно на фактот дека децата поради изолацијата, се повеќе се повлекуваат во себе и имаат проблеми при социјализацијата.
“Затворањето на училиштата и малиот број на дружења доведоа до тоа децата да станат поанксиозни и интровертни. Децата кои напредувале пред пандемијата сега изгубија секаков интерес за нивното образование и социјален живот, претпочитајќи да поминуваат време сами во својата соба. Ова принуди дури 135.000 ученици во Велика Британија да не се вратат на училиште по почетокот на редовната настава, пишуваат британските медиуми.
Д-р Џејн Гилмор и д-р Бетина Хонен, клинички психолози, објавија истражување на оваа тема и велат дека ако детето пропушти речиси половина од училишните денови – тоа е јасно “црвено знаменце“.
“Пандемијата ги натера некои тинејџери да станат апатични и да изгубат интерес за работите кои некогаш им биле важно. Децата и тинејџерите од пониско социо-економско потекло имаат поголема веројатност да се одвојат од училиштето. Ваквото однесување може да предизвика долгорочна социјална и емоционална штета. Без овие витални социјални врски, се трупаат уште повеќе проблеми и тоа би можело да трае до крајот на животот“, објаснуваат психолозите.
