По неколкумесечно искуство, можеме да ги разликуваме болестите. Настинката започнува со пониски температури, симптомите траат пократко, околу 48 часа и исчезнуваат, а кај COVID-19 текот на болеста е различен
Не секоја кашлица, кивање или затнат нос е знак дека имаме COVID-19. Можеби сме настинати, имаме алергија или грип. Како да ги разликуваме кај децата, а како кај возрасните, објаснуваат д-р Снежана Рсовац, пулмолог на Универзитетската детска клиника „Тиршова“ и д-р Катарина Мијатовиќ, пулмолог од Градскиот институт за белодробни заболувања и туберкулоза во Белград.
„Децата имаат поинаква слика на COVID-19, која е поблага од сликата на возрасните. Голем проблем е да се утврди сликата на болеста, но за разлика од возрасните, децата ретко кога го губат мирисот и вкусот. Се водиме од висината на температурата и нејзиното траење. Настинката оди во комбинација со дијареја и температурите се пониски отколку кај COVID-19. Прегледот го почнуваме со информации од родителите, како мала епидемиолошка анкета“, истакна д-р Снежана Рсовац, гостувајќи во утринската програма на РТС.
Врз основа на анамнезата, знаеме во кое време од годината, денот и ноќта се јавува сезонска алергиска кивавица, а таа лесно се разликува од COVID-19. Пациентот нема температура
Дијагностицирањето кај децата е полесно, важно е да се истакне кои се симптомите што се јавуваат кај децата, а се разликуваат кај настинката и COVID-19.
„По неколкумесечно искуство, можеме да ги разликуваме болестите. Настинката започнува со пониски температури, симптомите траат пократко, околу 48 часа и исчезнуваат, а кај COVID-19 текот е различен. При лекување на COVID-19 и после неколку дена, клиничката слика не мора да покажe добри резултати, што не се случува со настинката. Врз основа на рентгенската дијагностика и други анализи, се поставува дијагнозата на пациентот, кој треба задолжително да се јави на лекар“, посочува д-р Катарина Мијатовиќ.
„Врз основа на анамнезата, знаеме во кое време од годината, денот и ноќта се јавува сезонска алергиска кивавица, а таа лесно се разликува од COVID-19. Пациентот нема температура“, објасни д-р Снежана Рсовац за „РТС“.
