Случаите на повторна инфекција со Ковид се во пораст, а здравствените експерти велат дека најголем број вакви случаи се забележани при инфекција со варијантата омикрон.
Иако не 100 проценти, претходната инфекција и вакцинација можат да ве заштитат до одреден степен. Ако неодамна сте закрепнале од инфекција со Ковид, вашето тело веројатно ќе биде повнимателно на идните патогени и ќе се бори против нив, што може да ги намали шансите за потешка форма на болеста
Повторната инфекција со Ковид се разликува, па така кај некои може да биде поблага, а за други потешка отколку порано. Степенот на сериозност обично зависи од тоа колку пати веќе сте ја имале инфекцијата, колку брзо повторно ќе се заразите и колку време поминало од вакцинацијата.
„Генерално, клиничките слики изгледаат поблаги. Но, нема гаранција“, изјави за CNBC д-р Гејб Келен, шеф на итна медицина на Медицинскиот факултет на Универзитетот Џон Хопкинс.
Иако не 100 проценти, претходната инфекција и вакцинација можат да ве заштитат до одреден степен. Значи, ако неодамна сте закрепнале од инфекција со Ковид, вашето тело веројатно ќе биде повнимателно на идните патогени и ќе се бори против нив, што може да ги намали шансите за потешка форма на болеста.
Повторната инфекција со омикрон најчесто предизвикува поблага форма
Омикрон и неговите подваријанти генерално се чини дека предизвикуваат помалку тешки симптоми од претходните варијанти на Ковид, што делумно може да биде затоа што луѓето се многу позаштитени со вакцини и претходни инфекции, изјави за CNBC д-р Рој Гулик, шеф за заразни болести во клиниката „Weill Cornell Medicine“.
И други здравствени експерти, исто така, се согласуваат со тврдењето дека омикрон предизвикува благи симптоми, но предупредуваат дека треба да се води сметка за безбедноста и да се почитуваат мерките за Ковид бидејќи секогаш постои одредена неизвесност за тоа како вирусот ќе реагира. Особено затоа што навидум благи симптоми како што се болки во грлото, главоболка, замор, кашлица, назална конгестија и болки во мускулите може да траат со денови или дури и недели по инфекцијата.
Дополнително, треба да се земе предвид дека постојат ранливи групи на луѓе кои се изложени на поголем ризик да развијат тешка форма на Ковид. Пред сè, ова се однесува на постари лица, имунокомпромитирани и хронични пациенти, пишува „Тајмс оф Индија“.
