Потребно:
- 800гр пилешко бело месо
- 2 лажици масло
- 3 лажици мед
- 1 1/2 лажица соја сос
- 1 чешне лук
- 250мл неутрална павлака за готвење
- Зачини по желба
Подготовка: Пилешкото месо исечете го на коцки. Ставете го да се пржи во тавче на средна температура. Зачинете по желба. Пржете додека не зарумени, околу 3-4 минути. Во одделна чинија измешајте го медот, соја сосот, лукчето рендано и павлаката за готвење. Додадете ја смесата во пилешкото и оставете се заедно на тивко да се готви уште 8-10 минути. Вака подготвеното пилешко месо одлично се комбинира со кусо обарен зеленчук.
