Потребно:
- 500 гр мешано мелено месо
- 2 главици ситно сечкан виолетов кромид
- 1 чешне лук
- Сол
- Црн пипер
- 1 кафена лажичка сув зачин
- 2 помали јајца
- 1-2 лажички презла
За полнење:
- 150 гр рендан кашкавал (гауда)
- 2 лажички сенф
- 1 ситно сечкано чешне лук
- 2 рендани кисели краставички
Подготовка: Во садот со мелено месо додадете ги ситно сечканиот кромид и лук, јајцата и зачините. Сè убаво измешајте и формирајте 4-5 големи плескавици. За филот измешајте го ситно сечканиот лук, кашкавалот, ренданите краставици и сенфот. На половина од месото распоредете го филот, а со другата половина преклопете. Убаво стиснете ги рабовите за да не истече филот. Се пржат на малку масло од едната страна десетина минути на средна температура, се превртуваат и се пржат уште 5-6 минути. Добар апетит!
