РЕЦЕПТ НА ДЕНОТ: Здрави плескавици од зеленчук и јајца

Вака подготвените плескавици се печат во рерна. Одличен оброк за бебиња со наполнети 12 месеци, постари деца, но и целото семејство. Овие плескавици се добар избор кога го учите бебето само да јаде, бидејќи се крцкави однадвор, а меки одвнатре. Практични се и за оброј надвор од дома и многу лесно се подготвуваат. Ако изземете некои состојки, може да ги прилагодите и за бебе кои има наполнето 8 месеци.

Потребно:

  • 1 шака свеж магдонос
  • 1 морков
  • 4 јајца
  • ¼ тиквица
  • 1 лажичка кари и лажичка сол (по желба може да додадете и други зачини)
  • 3 лажици брашно од спелта

Подготовка: Зеленчукот убаво измијте го, магдоност ситно исечкајте го,а морковот и тиквичката ена изрендајте ги. Помешајте ги сите состојки. Во тава обложена со хартија за печење ставајте по 1 лажица од смесата за една плескавица. Потоа ставете ги да се печат во загреана рерна на 190 степени. Кога ќе станат цврсти, свртете ги и печете ги уште малку додека не добијат златно-кафена боја на краевите и малку во средина.

ПОВРЗАНИ НАПИСИПОВЕЌЕ ОД АВТОРОТ