Што стравот од коронавирусот може да предизвика кај децата

За децата досега непознатите изрази како пандемија, изолација, карантин... сега можат да се слушнат во нивните меѓусебни разговори, велат детските психотерапевти.

Додека сите досегашни податоци укажуваат дека кај поголемиот процент од децата, коронавирусот предизвикува релативно благи симптоми, психолошките последици кои пандемијата со КОВИД-19 може да остави кај најмладите во вид на анксиозност, може да бидат многу потрауматични, тврдат стручњаците.

За децата досега непознатите изрази како пандемија, изолација, карантин… сега можат да се слушнат во нивните меѓусебни разговори, велат детските психотерапевти.

“Загрижени сме дека може да добиеме генерација на деца кои страдаат од анксиозност по прашање на здрвајето“, вели д-р Ники Чопра, семеен лекар во јужна Англија, кој има две ќерки на возраст од две и четири години.

Тој вели дека неговата постара ќерка, инаку разиграно и безгрижно дете, минатата недела враќајќи се од прошетка рекла „Ако не ги миеме рацете, можеме да умреме“.

Според детските психотерапевти, актуелните детски игри и зборови кои тие ги користат, на остар начин го одразуваат “новиот свет“.

“Децата не се лоши, но нивнот страв е толку голем што единствено може да го проектираат на други, за да стекнат некакво чувство на контрола“, истакнуваат педијатрите и повторно предупредуваат децата информациите за коронавирусот, да ги добиваат дозирано и проверено од самите родители.