Додека болката во грлото кај други инфекции, како што се настинки и грип, се појавува многу порано, пациентите инфицирани со коронавирус ја пријавуваат по појавата на другите симптоми, како што се треска, сува кашлица и замор
Некои од симптомите на коронавирус одговараат на симптомите на други респираторни заболувања, а болката во грлото се споменува како еден од најчестите. Според CDC (Американскиот центар за контрола и превенција на болести) покрај треска, кашлица и силен замор, болката во грлото е исто така и симптом на коронавирус.
Сепак, тоа не значи дека секоја болка во грлото е Ковид-19.
Причини и последици
Болката во грлото може да биде резултат на различни здравствени состојби. Создава болно чувство, дури и гребење во областа на грлото, а најчесто е предизвикана од инфекција или фактори од околината, како што е сувиот воздух.
Разликуваме три вида на болки во грлото во зависност од тоа кој дел од грлото е засегнат. Фарингитис е воспаление на грлото, областа зад устата. Тонзилитис е воспаление, заедно со отекување и црвенило, на крајниците. Ларингитис е воспаление на гркланот кој се наоѓа во долниот дел на грлото.
Дали болката во грлото е чест симптом на коронавирус?
Покрај тоа што е чест симптом на настинка и грип, болното грло е чест симптом и на Ковид-19, според извештаите на CDC. Но, се јавува поретко од треската и кашлицата, а проблемите се индивидуални. Новиот коронавирус лесно влегува во носот и грлото, предизвикувајќи болка и осетливост.
Додека обичнaта болка во грлото се лекува со домашни лекови, чај и слично или целни лекови ако станува збор за воспаление, треба да се биде повнимателен ако станува збор за коронавирус
Обична болка во грлото VS воспалено грло поради коронавирус
Вирусот што предизвикува Ковид-19 влегува во мембраните поврзани со носот и грлото, што пак предизвикува отекување. Болката и осетливоста кои болните ја чувствуваат се нарекува фарингитис.
Додека болката во грлото кај други инфекции, како што се настинки и грип, се појавува многу порано, пациентите инфицирани со коронавирус ја пријавуваат по појавата на другите симптоми, како што се треска, сува кашлица и замор.
Затоа, ако чувствувате само болка во грлото и немате други симптоми, голема е веројатноста дека сте „собрале“ некоја друга инфекција или настинка. Сепак, останете внимателни во случај да се појават други симптоми и контактирајте го вашиот матичен лекар.
Лекување
Додека обичнaта болка во грлото се лекува со вообичаени домашни лекови, чај и слично или целни лекови ако станува збор за воспаление, треба да се биде повнимателен ако станува збор за коронавирус. Хидратацијата и многу течности можат да помогнат во закрепнувањето. Гаргара со солена вода може да помогне во ублажување на болките.
За да спречите болки во грлото поради фактори од околината, користете освежувачи на воздухот за да ја зголемите влажноста во просторијата каде што престојувате, бидејќи сувиот воздух не е поволен за закрепнување, пишува „Times of India“.
