Зголемен бројот на деца хоспитализирани поради коронавирус во САД, но лекарите смируваат: ОМИКРОН НЕ Е ПООПАСЕН ЗА ДЕЦАТА

Голем дел од порастот на педијатриските приеми произлегува од огромниот број деца кои се инфицираат и со делта и со позаразната варијанта омикрон, како и ниските стапки на вакцинација кај децата над 5-годишна возраст, вели д-р Дејвид Рубин, истражувач во Детската болница во Филаделфија

И покрај тоа што експертите изразија загриженост за забележителниот скок на хоспитализациите - зголемување повеќе од двојно отколку кај возрасните - лекарите и истражувачите велат дека не гледаат докази дека омикрон е поопасен за децата

Последниот бран на коронавирус што го зафати САД, а голем дел од случаите се поттикнати од многу заразната варијанта омикрон, предизвика загрижувачки пораст на хоспитализациите кај децата, како и зголемена вознемиреност кај родителите.

Прелиминарните податоци сугерираат дека во споредба со варијантата делта, омикрон се чини дека предизвикува поблага болест кај децата, слично на претходните наоди за возрасните

Неколку држави пријавија зголемување од околу 50 проценти на педијатриските приеми поради Ковид-19 во декември. Њујорк го доживеа најдраматичниот пораст, со 68 деца хоспитализирани минатата недела, што е четирикратен скок од две недели претходно.

Во неделата заклучно со 23 декември, биле пријавени околу 199.000 педијатриски случаи на национално ниво, што е зголемување од 50 отсто во споредба со почетокот на декември, според Американската академија за педијатрија.

Омикрон предизвика загрижувачки пораст на хоспитализациите кај децата, како и зголемена вознемиреност кај родителите

Но, и покрај тоа што експертите изразија загриженост за забележителниот скок на хоспитализациите – зголемување повеќе од двојно отколку кај возрасните – лекарите и истражувачите велат дека не гледаат докази дека омикрон е поопасен за децата.

Всушност, прелиминарните податоци сугерираат дека во споредба со варијантата делта, омикрон се чини дека предизвикува поблага болест кај децата, слично на претходните наоди за возрасните.

  • „Мислам дека важната работа што треба да се каже овде е дека сериозноста е значително намалена и се чини дека ризикот за значајна тешка болест е помал“, рече д-р Дејвид Рубин, истражувач во Детската болница во Филаделфија

Наместо тоа, голем дел од порастот на педијатриските приеми произлегува од огромниот број деца кои се инфицираат и со делта и со позаразната варијанта омикрон, вели д-р Рубин и други експерти, како и ниските стапки на вакцинација кај децата над 5-годишна возраст, пренесува „Њујорк тајмс“.