Четири COVID-19 симптоми кои лесно може да ги пропуштите: Знаци дека коронавирусот е веќе во вашето тело

Додека треската или кашлицата може да се очекуваат, следниве рани знаци на предупредување на вирусот би можеле да ги измешате со нешто друго

Заморот е чест симптом на коронавирус
Чувството на замор е присутно кај многумина за време на пандемијата, но тоа може да биде и симптом на коронавирус. Според извештаите објавени во ЈАМА во април, 68,3 проценти од пациентите со COVID-19 го пријавиле заморот како главен симптом на болеста, пренесува BestLife

Списокот на симптоми на коронавирус е прилично долг, а некои од нив се преклопуваат и со други болести, па затоа без тестирање е тешко да се утврди дали некое лице има COVID-19, грип, настинка или нешто сосема друго.

Но, според истражувањата, постојат неколку многу едноставни симптоми кои можат да покажат дека сте заразени со коронавирус.

БОЛКA ВО СТОМАКОТ

Луѓето заразени со коронавирус може да имаат дигестивни проблеми, како што се повраќање и дијареја, а исто така и да почувствуваат лесна болка во пределот на стомакот. Според студијата објавена во журналот Gastroenterology во април, 32 проценти од групата на заболени со коронавирус имале стомачни проблеми, а повеќето ги опишале како благи.

Коавторот на студијата, Александер Подбој напоменува дека симптомите на COVID-19 не мора нужно да бидат само респираторни како кашлица.

„Една третина од пациентите што ги проучувавме имаа гастроинтестинални симптоми“, рече тој.

Се повеќе истражувања покажуваат дека COVID-19 исто така може да има невролошки ефекти и да предизвика конфузија, привремено губење на меморијата и неможност за фокусирање
Студија од октомври спроведена од Northwestern Medicine открива дека шокантни 82 проценти од пациентите хоспитализирани со коронавирус имале невролошки симптоми

ИНФЕКЦИЈА НА ОКОТО

Ако забележите дека окото ви е иритирано, тоа може да биде уште еден знак дека коронавирусот е веќе во вашето тело. Студија објавена во JAMA Ophthalmology открива дека состојби како кемоза (отекување на проѕирниот дел на окото) и епифора (прекумерно солзење) биле забележани кај повеќе од 30 проценти од пациентите во една кинеска болница.

Друга студија објавена во Journal of Medical Virology во април открива дека конјунктивитисот може да се појави кај три проценти од луѓето заразени со коронавирус.

КОНФУЗИЈА ИЛИ „ЗАМАГЛЕН МОЗОК“

Се повеќе истражувања покажуваат дека COVID-19 исто така може да има невролошки ефекти и да предизвика конфузија, привремено губење на меморијата и неможност за фокусирање. Студија од октомври спроведена од Northwestern Medicine открива дека шокантни 82 проценти од пациентите хоспитализирани со коронавирус имале невролошки симптоми.

„Нашите откритија покажуваат дека невролошките манифестации се многу чести кај пациенти со COVID-19“, изјави за ABC News Игор Коралник, раководител на Ken & Ruth Davee одделот за неврологија на Northwestern Medicine.

ЗАМОР

Чувството на замор е присутно кај многумина за време на пандемијата, но тоа може да биде и симптом на коронавирус. Според извештаите објавени во ЈАМА во април, 68,3 проценти од пациентите со COVID-19 го пријавиле заморот како главен симптом на болеста, пренесува BestLife.