Од избувнувањето на пандемијата на коронавирус, со појавата на нови соеви почнаа да се менуваат и симптомите на болеста. Делта варијантата се прошири низ целиот свет, а заболените се борат со симптоми кои се разликуваат од оние со кои досега најмногу се поврзуваше Ковид-19.
Губењето на мирис на почетокот на пандемијата беше еден од најчестите симптоми на коронавирус, додека кај заразените со делта варијанта на коронавирус, се наоѓа дури на деветтото место
Начинот на кој вирусот ја предизвикува болеста зависи од два фактора. Едниот е вирусен и вклучува брзина на репликација, начин на пренесување и слично. Вирусните фактори се менуваат како што се развива вирусот. Другиот фактор зависи од носителот на вирусот и на тоа може да влијаат возраста, полот, лековите, исхраната, стресот, здравствената состојба и така натаму.
Според податоците од Обединетото Кралство собрани преку апликација во која самите корисници пријавуваат симптоми на болеста, се чини дека симптомите на Ковид се променети во споредба со оние предизвикани од оригиналниот вирус од Вухан.
Треска и кашлица се вообичаени симптоми на Ковид од почетокот на пандемијата, додека главоболки и болки во грлото се појавуваат кај некои пациенти. Сите овие симптоми се јавуваат кај пациенти заразени со делта варијантата. Но, течењето на носот досега не се споменуваше како симптом, а тоа се смени со новата варијанта на вирусот. Губењето на мирис на почетокот на пандемијата беше еден од најчестите симптоми на коронавирус. Кај заразените со делта варијанта на коронавирус, се наоѓа дури на деветтото место.
Симптомите на Ковид се променети во споредба со оние предизвикани од оригиналниот вирус од Вухан
Промените во симптомите може да бидат поврзани и со вакцинацијата. Имено, повеќето стари лица се вакцинирани против Ковид, па сега во поголема мера се разболуваат помладите. Тие воглавно ги имаат овие споменати поблаги симптоми на болеста.
И промените во самиот вирус можат да влијаат на промената на симптомите. Но, сè уште не е целосно јасно зошто со новата варијанта се менуваат и симптомите на болеста.
Промените во симптомите може да бидат поврзани и со вакцинацијата. Имено, повеќето стари лица се вакцинирани против Ковид, па сега во поголема мера се разболуваат помладите. Тие воглавно ги имаат овие споменати поблаги симптоми на болеста
Делта варијантата е позаразна
Досегашните податоци покажуваат дека делта варијанта на коронавирусот е позаразна во однос на оригиналниот сој, но исто така и во однос на другите раширени варијанти.
Научниците веруваат дека делта варијанта исто така е и попренослива од другите соеви. Експертите посочуваат дека е потребно да се вакцинираат што повеќе луѓе за да се заштитат, а производителите на вакцини велат дека нивните вакцини се исто така ефикасни и против делта варијантата.
