ДЕТЕТО ПРЕЛЕЖАЛО КОВИД-19 И СЕГА СЕ ЖАЛИ НА ЗАМОР, ГЛАВОБОЛКА ИЛИ БОЛКИ ВО СТОМАКОТ? Лекарите велат дека секое четврто дете развива долг ковид, а еве кои се симптомите

Се покажало дека меѓу децата најчести се невропсихијатриските проблеми – симптоми на промена на расположението, замор, нарушено спиење, главоболки, когнитивни промени, вртоглавица, проблеми со рамнотежата. На второ место се кардиореспираторните проблеми како потешкотии со дишењето, конгестија (таложење на крв поради проширени крвни садови и зголемен доток на крв), болка и стегање во градите, кашлица, неправилен срцев ритам.

Кај секое четврто дете кое заболело од КОВИД-19 се развива т.н. “долг ковид“, покажуваат заедничките податоци од 21 претходно објавена студија спроведени во Европа, Азија, Австралија и во Јужна Америка.

Од 80.071 дете заболено од КОВИД-19 и опфатено со студиите, кај 25% од нив се развиле симптоми кои траеле најмалку 4 до 12 недели или се развиле нови трајни симптоми кои се појавиле во период од 12 недели, се наведува во резултатите од најнова студија објавена на интернет страницата medRxiv, која се уште не поминала стручна рецензија.

Се покажало дека меѓу децата најчести се невропсихијатриските проблеми – симптоми на промена на расположението, замор, нарушено спиење, главоболки, когнитивни промени, вртоглавица, проблеми со рамнотежата.

На второ место се кардиореспираторните проблеми како потешкотии со дишењето, конгестија (таложење на крв поради проширени крвни садови и зголемен доток на крв), болка и стегање во градите, кашлица, неправилен срцев ритам. На трето место се проблеми поврзани со кожата, како прекумерно потење, чешање и опаѓање на косата, додека на четврто место се гастроинтестиналните проблеми – болка во стомакот, запек, пролив, повраќање и мачнина.

Истражувачите признаваат дека со анализата на овие податоци, собрани од бројни различни студии направени со различни методологии, не може да се донесат цврсти заклучоци, но велат дека е сосема јасно дека “и децата и адолесцентите по прележување на КОВИД-19 може да чувствуваат последици, кои се одразуваат на физичкото и на менталното здравје, како и возрасните“, вели коавторката на студијата, Соња Вилапул од Институтот за истражувања Хјустон.

“Откривањето на главните знаци и симптоми на долготраен педијатриски КОВИД-19 може да помогне во дијагностицирањето на разни здравствени проблеми, развојот на подобри начини на лекување, формирање на мултидисциплинарни тимови за оптимално клиничко делување и во пронаоѓање на ризик факторите, со цел тие да се превенираат“, истакнува д-р Вилапул.