Откако во Хрватска беше одобрена вакцината на Фајзер за деца од 12 до 16 години, тамошниот завод издаде препораки за вакцинирање на деца кои имаат одредени хронични болести.
Имунизацијата на најмладите ќе мора да се врши во придружба на родител, а освен децата кои боледуваат од хронични болести,вакцина ќе може да примат и сите останати деца од оваа возрасна категорија, со задолжителна согласност од родителите.
Хрватските власти очекуваат до есен да бидат извакцинирани 50 проценти од училишната популација.
Жителите во оваа земја се поделени околу оваа одлука и можност. Додека едни сметаат дека вакцинирањето на децата од 12 до 16 години е добро од превентивни причини, други изјавуваат дека не веруваат во вакцината.
