♦♦♦♦♦♦♦
Расте бројот на заболени млади луѓе од коронавирус, пациенти во 20-тите и 30-тите години, но нивните симптоми честопати се разликуваат од оние што се јавуваат кај повозрасните луѓе.
Иако вирусот остана ист, лекарите започнаа да забележуваат различни симптоми. Симптомите кај лица кои се во своите 20-ти и 30-ти години се поинакви од оние кај постарите лица, па така младите воопшто и не ја споменуваат покачената температура, што беше еден од најчестите симптоми на коронавирус.
„Се повеќе млади лица бараат медицинска помош и честопати мора да бидат примени во болница. Спектарот на симптомите и понатаму продолжува да се шири, па младите луѓе често доаѓаат без покачена температура, но се жалат на болки во стомакот“, изјави д-р Вилијам Шафнер, професор по заразни болести на Универзитетот Вандербилт.
Од останатите симптоми се јавува гадење, дијареја, губење на вкус и мирис, силни главоболки, болка во мускулите и во целото тело. (БГР)
