Сончевите зраци се извор на живот и тоа е причината зошто не треба да ги гледаме како непријател. Сонцето на телото му обезбедува витамин Д, не прави среќни и задоволни. Неговата топлина ги грее мускулите, зглобовите и ги опушта тетивите. Но, сонцето ако се претера може да направи и штета.
Трудниците во таа смисла се посебно чувствителни и затоа обидете се да ги следите следниве совети.
Со крема: Секогаш се препорачува добра заштита оти кожата во бременоста е почувствителна и полесно гори. Погодни се препарати без нано-честички и парабени, што значи слободно земете подобра крема за сончање за бебиња и деца и секако сончајте се наутро и подоцна попладне, а во текот на денот одморајте во ладовина.
Полека станувајте: Поради дополнителното оптоварување на циркулацијата, топлината и наглите движења може да предизвикаат вртоглавица и несвестица. Значи, подобро седите наместо да лежите. Ако лежите, полека станувајте.
Секогаш имајте течност до себе: Кога циркулацијата ќе затаи или ви падне притисокот, голтка вода може да помогне да се повратите во нормална состојба.
Совети за мајки во 2. и 3. триместар: И бебињата во стомакот сакаат сончева светлина оти таа продира низ слоевите на кожата и ја бои внатрешноста во топла светла црвена боја. Затоа, дозволете секој ден малку сонце на голиот стомак и следете како бебето ќе реагира.
