Стресот може да се одрази на мислењето, реакциите и поведението на детето. За некои тестовите во училиште и проблемите со соучениците се неподносливи. Вознемиреност и тензии во детето може да се појават и од фактори како смена на училиште, потреба од создавање нови пријателства, разни физички трауми и др. Психолозите тврдат дека во многу односи стресот во детството не се разликува по силата и по последиците од оние кои се појавуваат кај возрасните.
ДОБРИОТ И ЛОШИОТ СТРЕС
- Добриот стрес може да не мотивира да работиме повеќе, да се стремиме кон постигнување нови цели, да научиме нови нешта.
- Лошиот стрес знае буквално да парализира. Тој може да му причини такви проблеми на детето, што може да му се забави развојот и да го направи нервозно и избувливо. Ова е особено опасно во тинејџерската возраст.
Како да го спречите стресот?
Факт е дека не можете да влијаете на напнатоста што му се случува на детето на училиште, со пријателите и на останатите фактори на улица. Но, можете да се обидете да му помогнете да го надмине личниот стрес. Тој се одразува многу силно според начинот како се чувствува. Многу важно е да успеете да го натерате детето да ги споделува со вас своите проблеми и стравови. Друго, кое е добро да го направите е да организирате заеднички дружења и забава, како и физички игри. Секако тие не треба да се комплицирани, за да не се претворат во уште еден нов извор на тензија кај детето.
Не треба да заборавите и на личниот одмор и релаксација, бидејќи стресен родител значи и дете под стрес.
Знаци за стрес кај децата. Детето е под стрес ако:
- Не може да спие
- Сонува кошмари
- Се плаши, станува нервозно и вознемирено кога не сте со него
- Навечер знае да се измочка или го цица прстот
- Се преоптоварува со задачи
- Не може да се сконцентрира
- Станува раздразнето и немирно
- Често се жали дека го боли стомакот или главата
