Самиот факт дека пандемијата со КОВИД-19 еднаш ќе премине во ендемски стадиум не значи дека вирусот повеќе нема да биде опасен, предупредија од Светската здравствена организација.
“Луѓето на пандемијата се спротивставуваат со ендемијата, но ендемската маларија убива стотици илјади луѓе, ХИВ е ендемски, ендемско е насилството во градовите“, изјави Мајкл Рајан од СЗО.
Појавата на омикрон која е многу позараза од другите варијанти на КОВИД-19, но предизвикува многу полесни симптоми кај вакцинираните, поттикна дискусија за преминот од пандемијата, прогласена на почетокот на 2020., во постојана ендемска форма. Таа дискусија општо подразбира дека тој е помалку опасен.
“Од вирусот нема да се ослободиме оваа година. Вирусот можеби никогаш нема да го искорениме. Вирусите што предизвикуваат пандемии лесно може да станат дел од екосистемот“, предупредува Рајан.
“Можеме да ја прекинеме јавноздравствената криза од меѓународни размери, но треба да дојде до што пониска стапка на инциденца со максимум вакцинација со цел никој да не мора да почине“, додаваат од СЗО.
Според експертите во иднина три до четири дози вакцина може да бидат вообичаени за да се спречи потешка форма на КОВИД-19.
“Третите дози повеќе нема да ги нарекуваме бустер. Ќе сметаме дека три или четири дози се нужни за стекнување на траен и силен имунитет кој долготрајно ќе ве штити од хоспитализација или од смртен исход“, смета Рајан.
