Омикрон варијантата на коронавирус продолжува интензивно да се шири, заразувајќи и возрасни и деца. Ема Данкан, професорка на Кралскиот колеџ во Лондон, неодамна разговараше со „Инсајдер“ за најчестите симптоми на омикрон варијантата кај децата врз основа на податоците од студијата ZOE COVID-19, која им овозможува на луѓето да ги пријават своите симптоми на Ковид-19.
Главните симптоми на омикрон варијантата за деца вклучуваат:
- Замор
- Главоболка
- Воспалено грло
- Течење на носот
- Кивање
- Треска
- Кашлица
Поретките симптоми вклучуваат интестинални проблеми како дијареја, и осип.
Она што го гледаме кај децата е презентација налик на круп, а круп е навистина воспаление на горните дишни патишта за разлика од долните дишни патишта
Проф. Данкан вели дека вакцинацијата може да ја намали зачестеноста и должината на овие симптоми на омикрон, но податоците се сè уште нејасни.
Омикрон се шири побрзо кај децата во споредба со претходните варијанти на Ковид-19, како што е делта варијантата, изјави за WCNC-TV д-р Сем Домингез, педијатар-инфектолог од Детската болница во Колорадо.
„Омикрон е многу попренослив од делта варијантата па така и повеќе деца се изложуваат и се инфицираат што резултира со апсолутен поголем број на заразени деца“, рече Домингез. „Она што го гледаме кај децата е презентација налик на круп, а круп е навистина воспаление на горните дишни патишта за разлика од долните дишни патишта, како белите дробови“, вели тој, а пренесува „Deseret News“.
