Четири групи на луѓе имаат поголема веројатност да добијат долг Ковид

Најчесто пријавените симптоми на долг Ковид се проблеми со дишењето, губење на мирисот, болки во мускулите и замор

Симптомите може да бидат слични на оние на Ковид-19 и може да влијаат на целото тело

И со зголемувањето на бројот на вакцинирани лица, некои проблеми се уште остануваат нерешени. Еден од тие проблеми е долгиот Ковид, кој погодува еден од пет луѓе кои прележале Ковид-19.

Долгиот Ковид е загрижувачки феномен што може да влијае на пациентите кои прележале коронавирус неколку месеци потоа. Симптомите може да бидат слични на оние на Ковид-19 и може да влијаат на целото тело. Со појавата на делта сојот на коронавирус, кој е позаразен, експертите се загрижени дека може да се зголемат и бројот на случаи на долг Ковид. Според истражувањата, 5-10 проценти од нехоспитализираните пациенти и приближно 80 проценти од хоспитализираните страдаат од долг Ковид.

Истражувањата покажаа кои групи на луѓе се повеќе подложни на развој на долг Ковид.

Најчесто пријавените симптоми на долг Ковид се проблеми со дишењето, губење на мирисот, болки во мускулите и замор.

  1. Жени

Иако претходните истражувања покажаа дека жените имаат помала стапка на смртност и развој на тешки симптоми поврзани со Ковид-19, студиите покажале дека поголем број на жени кои го преживеале вирусот имаат долг Ковид.

  1. Лица постари од 40 години

Со текот на годините, имунолошкиот систем почнува да функционира побавно и тоа го прави поизложен на бактерии и вируси. Ова е и причината зошто луѓето постари од 40 години имаат поголема веројатност да добијат долг Ковид.

  1. Лица од други раси

Студијата исто така покажала дека болеста Ковид-19 е почеста кај афроамериканците, веројатно како резултат на поразлични генетски предиспозиции.

  1. Имунокомпромитирани лица

Имунокомпромитираните луѓе полесно се заразуваат со Ковид-19, а со тоа и повеќе страдаат од долг Ковид. Студијата покажала дека на имунокомпромитираните луѓе поради послабиот имунолошки одговор им треба многу подолго да ја надминат болеста, пишува „Times of India.