COVID-19 & ИНФЛУЕНЦА – ЕСЕН СО ДВЕ ЕПИДЕМИИ: Еве кога и зошто треба да се вакцинирате против грип

Во типична сезона на грип, вообичаен совет е да се вакцинирате во средината или кон крајот на октомври. Откако ќе ја примите вакцината против грип, потребни се околу една до две недели за вашиот имунолошки систем да реагира на вакцината за да имате одредена заштита. Таа заштита во просек трае шест месеци

Ако се вакцинацирате во октомври ќе бидете заштитени и во април, кога вирусот на грип е сè уште присутен

Оваа есен паралелно не очекуваат две епидемии, пандемија на коронавирус и епидемија на сезонски грип. Кога треба да се вакцинирате против грип и како тоа влијае врз COVID-19? 

♦♦♦♦♦♦♦

Кога да се вакцинирате?
Ако заболите од грип, тоа може да ве направи поранливи на COVID-19 и обратно. Инфекцијата со еден вирус може да го ослаби вашиот имунолошки систем, олеснувајќи го навлегувањето на другите „натрапници

Доколку немате никакви медицински причини за да не се вакцинирате, би било добро да примате вакцина против грип секоја година. Медицинските причини вклучуваат лицето да е помладо од шест месеци или да имате сериозна, опасна по живот алергија на вакцината.

Иако вирусот на сезонски грип не е смртоносен како COVID-19, сепак, може сериозно да наштети, а кај лица со послаб имунолошки систем може да предизвика и смрт.

Во типична сезона на грип, вообичаен совет е да се вакцинирате во средината или кон крајот на октомври. Откако ќе ја примите вакцината против грип, потребни се околу една до две недели за вашиот имунолошки систем да реагира на вакцината за да имате одредена заштита. Таа заштита во просек трае шест месеци. Според тоа, ако се вакцинацирате во октомври ќе бидете заштитени и во април, кога вирусот на грип е сè уште присутен.

Американскиот центар за контрола и превенција на болести (CDC) наведува дека грипот достигнува врв некаде помеѓу декември и февруари, но сезоната на грип може да потрае и до мај

Треба да се напомене дека имунолошката реакција на вакцината не е иста кај секого, така што заштитата од грип може да варира од личност до личност и од година во година, пишува „Форбс“.

Користејќи шестмесечна временска рамка, вакцинацијата во просек ќе ве заштити до почетокот на март. Американскиот центар за контрола и превенција на болести (CDC) наведува дека грипот достигнува врв некаде помеѓу декември и февруари, но сезоната на грип може да потрае и до мај. Но, имајте на ум дека тоа се месеци со најголема активност на грипот, но тој се јавува и пред и после тоа, па затоа е добра идеја да останете заштитени до април.

Инфекцијата со еден вирус нè прави поранливи на други вируси

Треба да се напомене дека иако грипот и COVID-19 не се иста работа, обете болести имаат некои исти симптоми, што прави да биде уште потешко да се направи разлика дали пациентот има грип или коронавирус. Но, вакцинацијата против грип би можела барем да ја намали веројатноста дека имате грип.

Исто така, ако заболите од грип, тоа може да ве направи поранливи на COVID-19 и обратно. Инфекцијата со еден вирус може да го ослаби вашиот имунолошки систем, олеснувајќи го навлегувањето на другите „натрапници“.

Како што е опишано во истражувачко писмо до ЈАМА од тимот од Медицинскиот факултет на Универзитетот Стенфорд, откриено е дека 20,7 проценти од респираторните примероци кои биле позитивни на SARS-CoV-2 биле позитивни на барем уште еден респираторен патоген.

Публикацијата објавена во „Journal of Investigative Medicine: High Impact Case Reports“ известува за три случаи кои биле инфицирани со тежок акутен респираторен синдром на коронавирус и вирус на инфлуенца, а еден од заболените не преживеал.

Тешко е да се предвиди што ќе се случи во следните месеци со пандемијата и како тоа ќе резултира врз здравствените услуги. Може да дојде до метеж, па да нема каде да се вакцинирате. Понатаму, не постои гаранција дека во октомври ќе бидат достапни доволно вакцини против грип за да се задоволи побарувачката. Покрај тоа, не би бил прв пат да нема доволно вакцини. Затоа можеби е подобро да добиете вакцина додека можете.

Колку е поголем процентот на популација која е вакцинирана, толку потешко вирусот ќе зарази некого. Доколку доволно луѓе се вакцинираат рано пред да се прошири вирусот на грип, тоа би можело да ја потисне оваа епидемија
Две дози на вакцина?

Некои се прашуваат дали треба да се вакцинираат двапати оваа година. CDC наведува дека досегашните студии не покажале придобивки кај возрасните луѓе кои примиле повеќе од една доза на вакцина во текот на истата сезона на грип, дури ни кај постари лица со ослабен имунолошки систем. Исклучок се децата кои првпат се вакцинираат против грип.

Уште една причина зошто треба да се вакцинира сега против грип, а не подоцна, е имунитет на стадо. Накратко, колку е поголем процентот на популација која е вакцинирана, толку потешко вирусот ќе зарази некого. Доколку доволно луѓе се вакцинираат рано пред да се прошири вирусот на грип, тоа би можело да ја потисне оваа епидемија. Ако покрај тоа сите се придржуваме и до физичкото дистанцирање, тоа би можело да резултира со поблага сезона на грип, што би било добра вест во годината која баш и не е преполна со добри вести.