Освен фактот што симптомите на коронавирус се разликуваат од личност до личност, тие исто така можат да личат на симптоми кои се врзуваат со некои други болести како што се настинка, грип или алергии. Затоа, треба внимателно да се следат симптомите, особено сега по појавата на нови мутации на Ковид-19.
PCR-тестовите се користат за дијагностицирање на Ковида-19 и кај симптоматските и кај асимптоматските носители. Брзото откривање на инфекцијата може да помогне во лекувањето на болеста. Ако сте биле во контакт со лице кое е заразено со коронавирус или имате некој од симптомите, кои се поврзуваат со Ковид-19, треба да размислите за тестирање.
Со оглед на долгиот список на симптоми, еве неколку на кои треба да обрнете внимание за да знаете дали треба да се тестирате.
Според Сакта Карунанити, директор за јавно здравје во округот Ланкашир, не е важно ако ги немате трите класични симптоми на Ковид, бидејќи дури и главоболката може да покаже дека сте заразени. Според службениците за јавно здравје на Обединетото Кралство, ова е списокот на симптоми на Ковид-19 кои укажуваат дека треба да бидете тестирани:
- треска;
- ненадејна континуирана кашлица;
- губење на мирис и вкус;
- постојана главоболка;
- недостаток на воздух или отежнато дишење;
- дијареја;
- замор;
- гадење или повраќање;
- болки во мускулите и зглобовите;
- болка во грлото;
- течење на носот.
Треба да се напомене дека постојат неколку видови тестови. Со антигенскиот тест може да се открие вирус кај заразено лице за многу кратко време. Меѓутоа, со овој тест треба да се биде претпазлив бидејќи може да покаже и лажен негативен резултат.
PCR-тестовите се „златен стандард“ и се смета дека се најефикасен начин за откривање на Ковид-19. Покрај тоа, постои и тест со кој може да утврди дали некое лице има антитела на коронавирус. Ако тестот покаже дека лицето има антитела, тоа значи дека лицето во одреден момент веќе прележало Ковид-19, пренесува „E-Times“.
