Периодот на вируси и бактерии е во тек, па ако имате дете кое оди во колектив, сигурно знаете дека затнатиот нос е редовна состојба. А ако неодамна сте станале родители и дома имате бебе, сигурни сме дека му го проверувате дишењето неколку пати дневно, бидејќи тоа го прави секој родител, особено кога бебето спие.
Докторката по општа пракса Сара Кајат објаснува како да го процените дишењето на вашето дете и да сфатите дали е време да одите на лекар.
“Со толку многу кашлици и настинки што се случуваат во моментов, може да биде многу тешко да знаете дека дишењето на вашето дете е нешто за кое што треба да го однесете на лекар“, вели д-р Кајат.
Таа открива четири чекори што родителите треба да ги преземат кога го проценуваат дишењето на детето:
- Погледнете го вашето дете и проценете дали неговиот тен е поблед од вообичаено. Погледнете дали ноздрите му се шират и дали има грчење на душникот. Тоа ќе изгледа како да го вшумуква предниот дел на вратот кога ќе вдиши. Внимавајте на меѓуребрената рецесија – вовлекување на мускулите помеѓу ребрата кога вдишување.
- Обрнете внимание на тоа дали слушате груб звук на свирење или звук на висок тон (стидор).
- Третиот чекор е пресметување. Докторката вели дека треба да ја проверите табелата на респираторни брзини која опишува колку вдишувања во минута треба да има вашето дете за неговата возраст. На пример, долната граница е 25 вдишувања за дете на возраст од 0-3 месеци, со нормален опсег помеѓу 34-57.
- Ако од било која причина сте загрижени, обратете се кај педијатарот на вашето дете. Вашиот инстикт е доволна причина да отидете во болница.
