Лекар предупредува: Опасна по живот грешка прават родителите додека ги возат децата во количка

Во обид да ги заштитат бебињата и малите деца од сонцето некои родители инстинктивно ги покриваат количките со различни ткаенини

Најголемиот ризик од прегревање е помеѓу 11 и 15 часот, кога сонцето е најсилно

„Како што температурите почнуваат да растат, така и родителите сакаат да ги заштитат своите бебиња и мали деца од сонцето. Затоа некои инстинктивно ги покриваат количките со различни ткаенини, а токму тоа е многу опасно“, вели д-р Рахул Чодари од Кралскиот колеџ за педијатрија.

„Најголемиот ризик од прегревање е помеѓу 11 и 15 часот, кога сонцето е најсилно“, изјави д-р Чодари за „The Sun“.

  • Докторот посочува дека е клучно да размислите со што ја покривате количката. Изборот на дебели ќебенца може да предизвика значително да скокне температурата во количката

„Покривката генерално не претставува ризик доколку станува збор за тенок, мрежест материјал. Покрај видот на материјалот, и бојата исто така игра улога. Светлите синтетички ткаенини се малку подобри од потемните. Посветлите нијанси не апсорбираат толку многу топлина и ја рефлектираат“, додаде тој.

Претходното истражување на шведскиот педијатар Сванте Норгрен покажа дека температурата во детска количка оставена надвор помеѓу 11,30 и 13 часот достигнува 22 степени целзиусови без покривка. А во покриена количка, таа скокнала на опасни 34 целзиусови степени!

Секогаш кога ќе излезете со дете, нанесете му крема за сончање со заштитен фактор, а ризикот од прегревање во количката може да го спречите со поставувањето на чадор за  количка

Покривката генерално не претставува ризик доколку станува збор за тенок, мрежест материјал. Покрај видот на материјалот, и бојата исто така игра улога. Светлите синтетички ткаенини се малку подобри од потемните. Посветлите нијанси не апсорбираат толку многу топлина и ја рефлектираат

„Постојат три ризици за кои се грижиме, а тоа се дехидрација, исцрпеност од вруќина или топлотен удар и изгореници од сонце. Децата се поранливи од возрасните, па честопати можеби не сфаќаме колку е жешко. Мора да ги заштитиме децата, посебно оние помлади од една година“, објаснува д-р Чодари.

Секогаш кога ќе излезете со дете, нанесете му крема за сончање со заштитен фактор, а ризикот од прегревање во количката може да го спречите со поставувањето на чадор за детска количка.

„Ако децата се постари од шест месеци, понудете им вода или разреден овошен сок, домашен сладолед или коцки мраз. Така ќе го разладите детето“, истакнува тој.

Ако доите, имајте на ум дека ќе треба почесто да го храните бебето за време на жештините.