Не го минуваат сите истиот пат: Колку време му е потребно на телото целосно да закрепне од COVID-19

Некои луѓе ќе оздрават многу брзо, додека други може да се мачат и со недели или месеци, а подоцна да имаат и трајни здравствени проблеми

Возраста, полот и другите хронични заболувања го зголемуваат ризикот од сериозни симптоми за време на инфекцијата со коронавирус

♦♦♦♦♦♦♦

Последните податоци говорат дека над 1 900 000 луѓе ширум светот оздравеле од инфекција со новиот сој на коронавирус. Но, не го минуваат сите истиот пат до целосно закрепнување.

Времето за оздравување зависи од сериозноста на болеста. Некои луѓе ќе оздрават многу брзо, додека други може да се мачат и со недели или месеци, а подоцна да имаат и трајни здравствени проблеми. Возраста, полот и другите хронични заболувања го зголемуваат ризикот од сериозни симптоми за време на инфекцијата со коронавирус, а закрепнувањето може да биде продолжено со долготраен и интензивен медицински третман.

Благи симптоми

Повеќето луѓе кои ќе се заразат со Ковид-19 ќе ги развијат само основните симптоми – кашлица или висока температура. Може да чувствуваат и болки во телото, замор, болки во грлото и главоболка.

Кашлицата на почетокот е сува, но некои болни со текот на времето почнуваат да искашлуваат слуз што содржи мртви клетки од белите дробови, пишува Би-Би-Си.

Времето за оздравување зависи од сериозноста на болеста

Промената може да биде ненадејна. Заразеното лице почнува отежнато да дише и може да дојде до воспаление на белите дробови. Ова се случува како резултат на претераната реакција на нашиот имунолошки систем, при што телото доживува колатерална штета. Во оваа ситуација, некои од болните ќе треба да бидат хоспитализирани за да добијат кислород. Според експертите, закрепнувањето од ова ниво на заболување од Ковид-19 би можело да потрае помеѓу две до осум недели

Третманот за ова ниво на симптоми е: лежење во кревет, многу течности и лекови против болки, а заздравувањето е многу брзо. Температурата треба да се намали за помалку од една недела, иако кашлицата може да остане уште некое време. Според Светската здравствена организација (СЗО), при поблаги симптоми на инфекција со коронавирус е потребно во просек две недели за оздравување.

Посериозни симптоми

Инфекцијата со Ковид-19 може да биде далеку посериозна за некои луѓе. Влошувањето на симптомите во тој случај обично се јавува околу седум до 10 дена по појавата на првите симптоми.

Д-р Алисон Питард, декан на Факултетот за интензивна нега во Велика Британија, смета дека по третманот на интензивна нега, на пациентите заразени со коронавирус ќе им требаат од 12 до 18 месеци да се вратат во нормална здравствена состојба

Промената може да биде ненадејна. Заразеното лице почнува отежнато да диши и може да дојде до воспаление на белите дробови. Ова се случува како резултат на претераната реакција на нашиот имунолошки систем, при што телото доживува колатерална штета. Во оваа ситуација, некои од болните ќе треба да бидат хоспитализирани за да добијат кислород. Според експертите, закрепнувањето од ова ниво на заболување од Ковид-19 би можело да потрае помеѓу две до осум недели.

Покрај тоа што добиваат инвазивни третмани, пациентите кои долго време лежат во болничките кревети, губат мускулна маса, така што на некои дури им е потребна и физиотерапија за повторно да проодат
Интензивна нега

Светската здравствена организација проценува дека на едно од 20 заразени лица ќе им треба интензивна нега, што може да вклучува седација и ставање на респиратор.

Д-р Алисон Питард, декан на Факултетот за интензивна нега во Велика Британија, смета дека по третманот на интензивна нега, на пациентите заразени со коронавирус ќе им требаат од 12 до 18 месеци да се вратат во нормална здравствена состојба.

Имено, покрај тоа што добиваат инвазивни третмани, пациентите кои долго време лежат во болничките кревети, губат мускулна маса, така што на некои дури им е потребна и физиотерапија за повторно да проодат.

Сепак, тешко е да се генерализира. Некои луѓе заразени со Ковид-19 минуваат релативно краток период на интензивна нега, додека други може да останат таму со недели. (Индекс)