Пред стартот на имунизацијата на деца против Ковид-19: Што треба да знаете за безбедноста и ефективноста на вакцината, можните несакани ефекти и придобивки од вакцинирањето

Вакцинацијата на деца од 12 до 16 години ќе биде на доброволна основа. Еве што треба родителите и децата да знаат за безбедноста и ефективноста на вакцината, можните несакани ефекти и придобивките од вакцинирањето, според Американскиот центар за контрола и превенција на болести (CDC)

Американскиот центар за контрола и превенција на болести (CDC) препорачува вакцинирање за сите деца од 12 години и постари за да се заштитат од Ковид-19

Од понеделник (12 јули) во земјава започнува вакцинација на деца на возраст од 12 до 16 години. Според препораките, децата на оваа возраст ќе бидат вакцинирани исклучиво со вакцината „Фајзер“, којашто во овој момент е единствена вакцина која е дозволена да се користи согласно препораките од внатрешното упатство за оваа категорија деца за оваа возраст, како што претходно кажа министерот за здравство Венко Филипче.

Вакцинацијата на деца против Ковид-19 ќе биде на доброволна основа. Еве што треба родителите и децата да знаат за безбедноста и ефективноста на вакцината, можните несакани ефекти и придобивките од вакцинирањето, според Американскиот центар за контрола и превенција на болести (CDC).

Според препораките, децата на возраст од 12 до 16 години ќе бидат вакцинирани исклучиво со вакцината „Фајзер“, којашто во овој момент е единствена вакцина која е дозволена да се користи согласно препораките од внатрешното упатство за оваа категорија деца

Иако помалку се заразуваат со Ковид-19 во споредба со возрасните, децата можат:

  • Да бидат заразени со вирусот што предизвикува Ковид-19
  • Да се разболат од Ковид-19
  • Да го шират Ковид-19 на други луѓе

Американскиот центар за контрола и превенција на болести (CDC) препорачува вакцинирање за сите деца од 12 години и постари за да се заштитат од Ковид-19.

Клиничкото испитување покажа дека вакцината „Фајзер“ е 100% ефикасна во спречување на Ковид-19 со симптоми кај деца од 12 до 15 години. Покрај тоа, имунолошкиот систем на децата реагира на вакцината на сличен начин како и кај постарите тинејџери и млади возрасни лица

Зошто на моето дете му е потребна вакцина против Ковид-19?

Вакцините против Ковид-19 помагаат да се заштитат децата од болеста. Примањето вакцина против Ковид-19 исто така ќе им помогне да не се разболат сериозно доколку сепак заболат од Ковид-19.

Дали вакцините против Ковид-19 се безбедни за моето дете?

Да. Вакцинацијата против Ковид-19 обезбедува безбедна и ефикасна заштита од вирусот што ја предизвикува болеста Ковид-19. Вакцините против Ковид-19 се користени под најинтензивниот мониторинг на безбедноста во историјата на САД, што вклучува студии кај адолесценти.

Вакцината „Фајзер“ сега е достапна за секој на возраст од 12 години и постари. Во клиничкото испитување за деца од 12 до 15 години, не биле идентификувани никакви безбедносни проблеми со вакцината Фајзер-Бионтек.

Во клиничкото испитување за деца од 12 до 15 години, не биле идентификувани никакви безбедносни проблеми со вакцината Фајзер-Бионтек

Клиничкото испитување исто така покажа дека вакцината „Фајзер“ е 100% ефикасна во спречување на Ковид-19 со симптоми кај деца од 12 до 15 години. Покрај тоа, имунолошкиот систем на децата реагира на вакцината на сличен начин како и кај постарите тинејџери и млади возрасни лица. За да добие максимална заштита, на вашето дете ќе му требаат 2 дози дадени на растојание од 3 недели (21 ден).

Вашето дете може да има некои несакани ефекти, што се нормални знаци дека организмот гради заштита. Овие несакани ефекти може да влијаат на способноста на вашето дете да ги извршува дневните активности, но тие треба да исчезнат за неколку дена

Пред, за време и по вакцинирањето на вашето дете

  • Кажете му на докторот или медицинската сестра за сите алергии кои ги има вашето дете.
  • Утешете го вашето дете за време на вакцинацијата.
  • За да се спречи несвестица и повреди поврзани со несвестица, вашето дете треба да седи или да лежи за време на вакцинацијата и 15 минути по давањето на вакцината.
  • По вакцинирањето против Ковид-19 на вашето дете, од вас ќе биде побарано да останете 15-30 минути за да може вашето дете да се набљудува.
Придобивките од вакцинацијата против Ковид-19 далеку го надминуваат потенцијалниот ризик од несакани ефекти

Кои се несаканите ефекти?

Вашето дете може да има некои несакани ефекти, што се нормални знаци дека организмот гради заштита. Овие несакани ефекти може да влијаат на способноста на вашето дете да ги извршува дневните активности, но тие треба да исчезнат за неколку дена. Некои луѓе немаат несакани ефекти. Несаканите ефекти од втората доза може да бидат поинтензивни отколку по првата доза.

Придобивките од вакцинацијата против Ковид-19 далеку го надминуваат потенцијалниот ризик од несакани ефекти. Вакцинацијата ќе помогне да се заштити вашето дете од добивање Ковид-19.

Контактирајте го лекарот на вашето дете доколку:

  • Црвенилото или осетливоста на местото каде што е инјектирана вакцината се влошува по 24 часа.
  • Ако несаканите ефекти ве загрижуваат или се чини дека не исчезнуваат по неколку дена.

Извор: Американски центар за контрола и превенција на болести (CDC)