Симптомите на позаразниот, британски сој на коронавирус се нешто поразлични од претходно доминантната варијанта, покажува студијата на британскиот Национален завод за статистика.
Мутациите односно промените во генетскиот материјал на вирусот се вообичаена појава
Губењето на мирисот и вкусот, „заштитен знак“ на инфекцијата со основниот вид на коронавирус, е нешто поредок кај инфекцијата со таканаречената варијанта B.1.1.7.
Кашлицата, заморот, мијалгијата (болка во мускулите) и болки во грлото се почести во оваа верзија на коронавирусот.
Нема разлика во зачестеноста на главоболките, отежнато дишење, дијареја и повраќање.
Во истражувањето биле проучувани податоци на случајно избрани 6.000 луѓе кои биле позитивни на коронавирус.
Мутациите односно промените во генетскиот материјал на вирусот се вообичаена појава. Кај некои од нив вирусот си штети сам на себе, но други може да му дадат предност, како што е случајот со британската варијанта, која полесно се шири.
Според досегашните истражувања, сојот B.1.1.7 е од 30 до 70 проценти позаразен од претходно доминантниот вид.
Засега не е утврдено дека оваа варијанта е и посмртоносна, пренесува „Хина“.
