Во светот се зголемува бројот на случаи на респираторен синцицијален вирус (РСВ), ковид-19 и грип. Бидејќи сите овие болести можат да изгледаат многу слично, битно е да се знае што ги прави различни.
Д-р Џон Торес за „Today“ вели дека не е изненаден што на родителите им е тешко да направат разлика помеѓу овие три болести. Сепак, тој појаснува дека симптомите на грипот обично се појавуваат побрзо од оние предизвикани од РСВ или Ковид-19.
„Ковид-19 се карактеризира со болки во грлото и губење на вкус или мирис, додека РСВ се карактеризира со респираторни симптоми, како што е пискаво и забрзано дишење кај децата“, вели тој и ги наведува клучните симптоми на болеста.
Симптоми на Ковид-19 кај децата:
- грозница
- кашлица
- воспалено грло
- замор
- отежнато дишење
- течење на носот
- главоболка
- гастроинтестинални проблеми како што се повраќање, гадење и дијареја.
Симптоми на РСВ кај децата:
- течење на носот
- кашлица
- намален апетит
- кивање
- грозница
- тешко дишење.
Важно е да се напомене дека РСВ кај доенчињата може да предизвика замор, раздразливост и отежнато дишење. Ако се појави кој било од овие симптоми, детето треба да се однесе на лекар бидејќи РСВ може да биде сериозен за доенчиња и постари возрасни лица
Симптомите на грип варираат од личност до личност, но обично вклучуваат:
- грозница
- кашлица
- воспалено грло
- затнат нос
- замор
- болка во телото
- дијареја или повраќање, особено кај децата.
Потребна е претпазливост со грипот бидејќи може да доведе до секундарни инфекции како пневмонија.
Симптомите на обичната настинка се:
- затнат нос
- кашлица
- воспалено грло
- благо покачена температура
- болки во телото, вклучително и главоболка
- замор
- губење на апетитот.
