Новите варијанти на коронавирусот уште еднаш покажаа колку е непредвидлив вирусот SARS-CoV-2. Делта варијантата, или варијантата B.1.617.2, беше истакната како варијанта која предизвикува загриженост, а брзо се прошири низ целиот свет. И додека многу земји ги олеснуваат ограничувачките мерки, научниците и медицинскиот персонал продолжуваат со истражувањето на Ковид-19 за да се обидат да спречат нов бран.
Луѓето кои не се вакцинирани, луѓето кои не се целосно вакцинирани и луѓето со веќе постоечки коморбидитети се изложени на поголем ризик од заразување со делта варијантата на коронавирус
Делта варијантата носи генетски код на две други мутации, E484Q и L452R, поради што и станува сè полесно да се пробие во човечкиот имунолошки систем и да ги нападне органите. Покрај тоа, бидејќи новите варијанти имаат тенденција да ја менуваат структурата на шилестиот протеин, тие се врзуваат поефикасно со клетките домаќини на човекот и брзо се размножуваат, правејќи поголема штета од изворниот сој на коронавирус.
Луѓето кои не се вакцинирани, луѓето кои не се целосно вакцинирани и луѓето со веќе постоечки коморбидитети се изложени на поголем ризик од заразување со делта варијантата на коронавирус. Од друга страна, ново истражување покажало дека лицата кои прележале Ковид-19 и примиле една или двете дози на вакцина имаат максимална заштита од делта варијантата.
Вакцинацијата резултира со поблага форма на болеста доколку дополнително дојде до инфекција, што укажува на тоа дека и хуморалниот и клеточниот имунолошки одговор играат важна улога во заштитата, се вели во студијата
Истражувачите го проучувале имунолошкиот одговор на пет категории луѓе: оние кои биле вакцинирани со една доза, оние кои биле вакцинирани со две дози на вакцини, оние кои прележале Ковид-19 и биле вакцинирани со една доза, оние кои прележале Ковид-19 и биле вакцинирани со две дози на вакцини и оние кои биле целосно вакцинирани, но во одреден момент се заразиле.
Според неодамнешната студија на Индискиот совет за медицински истражувања, оние кои биле вакцинирани, а потоа се заразиле и оние кои го прележале Ковид-19, а потоа примиле една или обете дози од вакцината имале релативно поголема заштита од делта варијантата отколку оние кои никогаш не биле заразени, но биле целосно вакцинирани.
„Вакцинацијата резултира со поблага форма на болеста доколку дополнително дојде до инфекција, што укажува на тоа дека и хуморалниот и клеточниот имунолошки одговор играат важна улога во заштитата“, се вели во студијата.
Колку се ефикасни вакцините?
Во студијата се наведува дека достапните вакцини против вирусот SARS-CoV-2 покажале ефикасност од 51 до 94 проценти против изворниот сој. Понатаму, досегашните податоци покажуваат дека природниот имунитет стекнат со прележување на болеста може да се зајакне само со една вакцина, што значително би помогнало во заштитата од делта варијантата на коронавирусот, пренесува „Times of India“.
„Податоците покажуваат дека ако некое лице се зарази по вакцинирањето, ќе биде заштитено од тешка форма на болеста“, се вели во студијата.
За да се заштитите од делта варијантата, носете маска секаде каде што е потребно и вакцинирајте се. Вакцинацијата е клучен начин за градење на имунитет и помага да се заштитите од инфекција, а истовремено го намалува ризикот од тешка болест.
