На многу родители, особено оние чии деца одат во градинка или училиште, им изгледа дека нивните малечки да се постојано болни. Сепак, педијатрите потврдуваат дека инфекциите како грип, настинка и воспаление на увото се сосема вообичаени за детската возраст, особено во првите години од животот. Децата од предучилишна возраст во просек можат да имаат и до осум настинки годишно, додека кај учениците таа бројка е нешто помала – околу пет пати годишно.
Со самото разболување децата стекнуваат имунитет, а нивниот имунолошки систем станува се посилен
Колку и да е фрустрирачко да имате болно дете, експертите имаат добри вести, па можеби нема да бидете толку очајни следниот пат кога вашето дете ќе се врати дома болно од градинка. Не треба да се обвинувате себеси, не треба да ги обвинувате воспитувачите, а не треба да го обвинувате ниту вашето дете. Болестите кои детето ќе ги донесе од градинка се сосема нормални, па дури и корисни.
Научете го вашето дете редовно да ги мие рацете, избегнувајте споделување играчки или прибор за јадење со други деца, обезбедете му редовна физичка активност, но и доволно сон. Сето ова го зајакнува неговиот природен имунитет, што го прави поотпорно на вируси
Инфекциите се нормален дел од зајакнувањето на имунитетот, па затоа и ние возрасните сме поотпорни бидејќи на помлади години сме преболеле одредени болести. Значи, со самото разболување децата стекнуваат имунитет, а нивниот имунолошки систем станува се посилен. Во есенските и зимските месеци особено е зголемена веројатноста дека дете на возраст од една до три години ќе се разболи од вирусни инфекции на респираторниот систем. Симптомите обично исчезнуваат во рок од неколку дена и детето може да се врати во колективот.
Во случај да се работи за грип, кој кај децата има малку потешка клиничка слика, важно е да се следи температурата и дали заедно со класичните знаци на настинка се присутни и симптоми како болки во мускулите и зглобовите.
Иако не можете да ја спречите појавата на болеста, постојат неколку начини на кои можете барем да ја намалите шансата за развој на болеста. Тајната лежи во усвојувањето на здрави навики кај децата, а вие како родител имате клучна улога во тоа. Научете го вашето дете редовно да ги мие рацете, избегнувајте споделување играчки или прибор за јадење со други деца, обезбедете му редовна физичка активност, но и доволно сон. Сето ова го зајакнува неговиот природен имунитет, што го прави поотпорно на вируси.
