Безбедно ли е да се дружите со пријатели кои не се вакцинирани? Еве што препорачуваат лекарите

„Ако сте целосно вакцинирани, повеќето интеракции не претставуваат некаков ризик за вас, но можеби треба да знаете дали луѓето со кои се дружите се вакцинирани, што ќе ви помогне во организирање на активности со најмал можен ризик за сите“, објаснува д-р Пол А. Тотингал, инфектолог за „Health“. „Тоа може да значи дека треба да ставите маска кога влегувате во затворено или наместо тоа да се сретнувате надвор каде што сте безбедни“

Повеќето луѓе кои ќе се инфицираат со коронавирус целосно се опоравуваат во рок од четири недели, но некои симптоми траат со месеци по инфекцијата

Ако сте вакцинирани, дали може безбедно да се дружите со пријателите?

Одговорот може да лежи во вашето општо здравје, здравјето на луѓето околу вас и вашата толеранција на ризик.

„Ако сте целосно вакцинирани, повеќето интеракции не претставуваат некаков ризик за вас, но можеби треба да знаете дали луѓето со кои се дружите се вакцинирани, што ќе ви помогне во организирање на активности со најмал можен ризик за сите“, објаснува д-р Пол А. Тотингал, инфектолог за „Health“. „Тоа може да значи дека треба да ставите маска кога влегувате во затворено или наместо тоа да се сретнувате надвор каде што сте безбедни“.

Меган Л. Рени, професорка по итна медицина, смета дека во случај на дружење со невакциниран пријател таа би се дружела само на отворено или со маска. Иако вакцините делуваат, таа не би сакала да ризикува и да се зарази или (хипотетички) да ја пренесе инфекцијата на некое невакцинирано дете или родител.

Докторите имаат уште еден предлог, ако се дружите со пријатели кои не се вакцинирани треба да ја искористите можноста да поразговарате за вакцинацијата. „Обидете се да разберете зошто не сакаат да се вакцинираат и можеби да го споделите вашето искуство по вакцинирањето. Мора да размислуваме глобално, а не само за себе“, вели д-р Мирела Салваторе, специјалист за инфективни болести во Њујорк.

Дали треба да носите маска кога сте во друштво на пријатели кои не се вакцинирани, а вие сте вакцинирани?

Американскиот центар за превенција и контрола на болести (CDC) уверува дека е во ред да продолжите со старите активности откако ќе се вакцинирате без маска или физичко растојание, бидејќи е докажано дека вакцините се високо ефикасни против тешки форми на болеста Ковид-19, вклучително и варијантите.

„Во најдобар случај, тие се 95 проценти ефикасни да не спасат од болница, а исто така се намалува и ризикот од инфекција, но и ризикот од пренесување на вирусот на некој друг“, вели проф. д-р Вилијам Шафнер, инфектолог за „Health“. Вакцините против Ковид-19 се направени за да спречат хоспитализација и смртни исходи. Но иако вакцините одлично ја исполнуваат својата намена, тие не се совршени и понекогаш сепак е потребно да се преземат други мерки на заштита, како што е носењето маски.